បញ្ជូន​ខ្លួន​បុរសម្នាក់​ទៀត ​ទៅ តុលាការ​ ពីបទ​ឈូស​ឆាយ ទន្ទ្រានដីព្រៃ​យកធ្វើកម្មសិទ្ធ​

យោងតាមដីកាបង្គាប់ឲ្យចូលខ្លួនរបស់អយ្យកាសាលាដំបូងខេត្តកំពង់ឆ្នាំងនៅ ព្រឹកថ្ងៃទី ១៦ ធ្នូឆ្នាំ២០២១ សមត្ថកិច្ចមន្ទីរបរិស្ថានខេត្តកំពង់ឆ្នាំងចាប់ខ្លួនឈ្មោះ ម៉ៅ មន បញ្ជូនខ្លួនទៅ កាន់ខ្លួនអយ្យការអមសាលាដំបូងខេត្តកំពង់ឆ្នាំង។

សមត្ថកិច្ចបន្ទីរបរិស្ថានខេត្តកំពង់ឆ្នាំងបានឲ្យដឹងថា បុរសឈ្មោះ ម៉ៅ មន អាយុ ៤៩ឆ្នាំ ស្ថិតនៅ ភូមិទឹកចេញ ឃុំអមលាំង ស្រុកថ្ពង ខេត្តកំពង់ស្ពឺ។

ឈ្មោះ ម៉ៅ មន ជាប់ពាក់ព័ន្ធករណីកាប់គាស់រុករានដីព្រៃឆ្ការដុត និងឈូសឆាយដីដែនជម្រកសត្វព្រៃភ្នំឱរ៉ាល់ យកដីធ្វើជាកម្ម សិទ្ធិដែលប្រព្រឹត្តនៅ ចំណុចព្រៃអាត ព្រៃស្អំ លេខនិយាម X ៤១៩៩១០ Y ១៣២១០៦០ ស្ថិតភូមិខ្វិតទួលឃ្លាំង ឃុំក្បាលទឹក ស្រុកទឹកផុស ក្នុងភូមិសាស្ត្រខេត្តកំពង់ឆ្នាំង កាលពីថ្ងៃទី ២៣ ខែកញ្ញា ឆ្នាំ ២០២១ ដោយបានធ្វើសកម្មភាពយកត្រាក់ទ័រឈូសឆាយដីព្រៃក្នុងដែនជម្រកសត្វព្រៃនរ៉ាល់អស់ទំហំ ៣ ហិកតា ៥៨៣។

សមត្ថកិច្ចបានបញ្ជាក់ថា កន្លងមកក៏មានជនសង្ស័យ២នាក់ ទៀតរស់ នៅ ក្នុងភូមិខ្វិតទួលឃ្លាំង ឃុំក្បាល ទឹក ស្រុកទឹកផុស ក៏ត្រូវបានសមត្ថកិច្ចនៃមន្ទីរបរិស្ថានខេត្តកំពង់ឆ្នាំងកសាងសំណុំរឿងបញ្ជូនទៅ កាន់សាលាដំបូងខេត្តកំពង់ឆ្នាំងរួចហើយពីបទ ធ្វើសកម្មភាពឈូសឆាយដីដែនជម្រកសត្វព្រៃភ្នំអស់ ១៤ ហិកតា ប៉ុន្តែមកដល់ពេលនេះពុំទាន់ឃើញ តុលាការខេត្តចាត់ការជនសង្ស័យទាំង ២នាក់ខាងលើនេះនៅ ឡើយ៕

អត្ថបទ៖ ឈៀង ថារិទ្ធ