ព័ត៌មានជាតិ
ក្មេងៗក្នុងមណ្ឌលកុមារកំព្រា៧៤នាក់ទទួលអំណោយពីសមាគមសិស្សនិស្សិតបញ្ញវន្តក្មេងវត្តខេត្តតាកែវ
ក្រុមការងារសមាគមសិស្សនិស្សិតបញ្ញវន្តក្មេងវត្តសាខាខេត្តតាកែវ ដឹកនាំដោយលោក លី សាវេត អភិបាលរងខេត្តតាកែវ និងជាប្រធានសមាគម នៅព្រឹកថ្ងៃទី១៧ ខែមករា ឆ្នាំ២០២២ នេះ បានយកអំណោយដ៏ថ្លៃថ្លារបស់លោក ហ៊ុន ម៉ានិត និងលោកស្រី ដែលចូលរួមពីសមាជិកសមាគមទៅប្រគល់ជូនក្មេងៗកុមារកំព្រានៅមណ្ឌលកុមារកំព្រាខេត្តតាកែវ។
តាមរបាយការណ៍ដែលលោកប្រធានមណ្ឌលបង្ហាញឲ្យដឹងថា បច្ចុប្បន្នកុមារក្នុងមណ្ឌលទាំងអស់មានចំនួន៧៤នាក់ ស្រី៣៤នាក់។ កុមារស្នាក់នៅក្នុងមណ្ឌលមាន៥៦នាក់ ស្រី២៤នាក់។ កុមារសុំទៅបន្តការសិក្សាស្នាក់នៅខាងក្រៅមណ្ឌលមាន១៨នាក់ ស្រី១០។
លោកប្រធានមណ្ឌលបានបញ្ជាក់ថា ក្មេងៗមណ្ឌលកុមារកំព្រាខេត្តតាកែវមានការសិក្សាចាប់ពីថ្នាក់បឋមសិក្សា រហូតដល់ឧត្តមសិក្សា និងជំនាញវិជ្ជាជីវៈផងដែរ។
ថ្លែងក្នុងឳកាសនោះដែរ លោក លី សាវេត ប្រធានសមាគមសិស្សនិស្សិតបញ្ញវន្តក្មេងវត្តមានប្រសាសន៍ថា មណ្ឌលកុមារកំព្រានេះហើយ ជាឪពុកម្តាយទី២របស់ក្មួយៗ ហើយសូមឲ្យក្មួយៗខិតខំប្រឹងប្រែងរៀនសូត្រទើបធ្វើឲ្យជីវិតសម្រាប់អនាគតមានពន្លឺរុងរឿង។ និងសូមកុំឲ្យពួកគាត់ដែលកំព្រារស់នៅក្នុងមណ្ឌលនេះមានការអន់ចិត្តថាខ្លួនគ្មានឪពុកម្តាយនឹងគេឲ្យសោះ គឺត្រូវគិតថា ខ្លួនបានចាប់យកសំណាងថ្មីមួយទៀតបន្ទាប់ពីឳពុកម្តាយបង្កើត។
សូមបញ្ជាក់ថា អំណោយរបស់ក្រុមការងារសមាគមសិស្សនិស្សិតបញ្ញវន្តក្មេងវត្តខេត្តតាកែវយកទៅប្រគាល់ក្មេងៗនោះមាន កាតាបសិក្សារួមជាមួយសម្ភារៈសិក្សាមួយចំនួន សំលៀកបំពាក់ និងថវិកាមួយចំនួនផងដែរ៕
អត្ថបទ៖ វីរៈ
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ