សុខភាព

សម្រាលកូនហើយប៉ុន្មានខែ ទើបអាចចាក់វ៉ាក់សាំងកូវីដ-១៩ បាន?

បានផុស

៤ years មុន

នៅ

ថ្ងៃសុក្រ ២១ មករា ២០២២

ដោយ

ម៉ាក់ៗដែលទើបសម្រាលកូនរួច ច្បាស់ជាមានចម្ងល់មិនខាន ថាតើម៉ាក់ៗអាចចាក់វ៉ាក់សាំងការពារជំងឺកូវីដ-១៩ បានអត់? និងគួរចាក់នៅពេលណាល្អ បើអាអូនបៅដោះ?

ពិតណាស់ ស្រីៗយើងអាចចាក់វ៉ាក់សាំងបង្ការវីរុសកូវីដ-១៩ នៅគ្រប់ពេលទាំងអស់ មិនថានៅអំឡុងពេលមានគភ៌ ឬក្រោយពេលសម្រាលកូនឡើយ។

ការណែនាំពីមហាវិទ្យាល័យ Royal ផ្នែកសម្ភព និងរោគស្ត្រី

មហាវិទ្យាល័យ Royal ផ្នែកសម្ភព និងរោគស្ត្រីបានណែនាំថា ស្ត្រីដែលទើបសម្រាលកូនហើយភ្លាមៗ គួរតែទៅចាក់វ៉ាក់សាំងដូចទៅនឹងគ្នាយើងទូទៅដែរ (ស្ត្រីដែលគ្មានផ្ទៃពោះ)។

បើយោងតាមសៀវភៅបៃតងនៃសុខភាពសាធារណៈប្រទេសអង់គ្លេស (PHE) បានផ្ដល់ព័ត៌មានចុងក្រោយបំផុតស្ដីពីការចាក់វ៉ាក់សាំងថាស្ត្រីដែលព្យាយាមយកកូន ឬក្រោយសម្រាលកូនរួចភ្លាម គប្បីទៅចាក់វ៉ាក់សាំងដែលស័ក្ដិសមទៅនឹងលក្ខខណ្ឌអាយុ និងហានិភ័យរបស់ខ្លួន។

ម៉ាក់សម្រាលកូនដោយវះកាត់ អាចចាក់វ៉ាក់សាំងបានអត់?

ទន្ទឹមនឹងនេះដែរ សម្រាប់ស្ត្រីដែលសម្រាលកូនដោយវះកាត់ ក៏មិនមានភាពខុសប្លែកគ្នាដែរ គឺសុទ្ធតែអាចចាក់វ៉ាក់សាំងបានគ្រប់ពេល។

ជាក់ស្ដែង ហានិភ័យនៃវីរុសកូវីដ-១៩ កាន់តែកើនឡើងលើស្ត្រីពពោះ នៅត្រីមាសចុងក្រោយ។ ដូច្នេះហើយ ស្ត្រីពពោះគប្បីចាក់វ៉ាក់សាំងឲ្យបាន២ដូសមុនពេលសម្រាលកូន ឬមុនពេលចូលដល់ត្រីមាសទីបី។

ស្ត្រីបំបៅដោះកូនចាក់វ៉ាក់សាំងបានឬទេ?

វ៉ាក់សាំងមានប្រសិទ្ធភាពក្នុងការការពារជំងឺកូវីដ-១៩ ដល់ស្ត្រីកំពុងពពោះ កំពុងព្យាយាមយកកូន ឬកំពុងតែបំបៅដោះកូនដូចគ្នា។ របាយការណ៍ថ្មីៗនេះបានបង្ហាញថា ស្ត្រីដែលកំពុងបំបៅដោះកូន អាចទទួលបានអង់ទីករនៅក្នុងទឹកដោះ ដែលមានសមត្ថភាពក្នុងការការពារអាអូនឲ្យជៀសផុតពីវីរុសមួយនេះ។ យ៉ាងណាមិញ យើងត្រូវការទិន្នន័យបន្ថែមទៀត ដើម្បីកំណត់ថាតើអង់ទីករទាំងនេះអាចការពារអាអូនបាននៅកម្រិតណា៕

អត្ថបទផ្ដល់ដោយ៖ Hello Krupet

ចុចអាន៖ស្រីៗមានបញ្ហាសុខភាព ៧ មុខនេះ អាចពិបាកមានកូន

ចុចអាន៖ស្ត្រីពពោះមិនទាន់ចាក់វ៉ាក់សាំងកូវីដ បង្កជាក្ដីបារម្ភ ពេលអូមីក្រុងរាតត្បាត