ចំណុចសំខាន់ ២ ត្រូវបានអនុម័ត រវាងក្រសួងសង្គមកិច្ចកម្ពុជា ជាមួយក្រសួងសាមគ្គីភាពសង្គមទីម័រ  

តំណាងលោក វង សូត រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា លោក សំហេង បុរស រដ្ឋលេខាធិការ បានថ្លែងថា ចំណុចសំខាន់ចំនួន ២ ត្រូវបានអនុម័តស្របតាមកិច្ចប្រជុំ គឺទីមួយវិស័យសង្គមកិច្ច និងទីពីរ គឺសហ គមន៍សេដ្ឋកិច្ចអាស៊ាននៅកម្ពុជា រវាងក្រសួងសង្គមកិច្ចកម្ពុជា និងក្រសួងសាមគ្គីភាពសង្គម និងបរិយាប័ន្ន នៃប្រទេស ទីម័រ។

លោក សំហេង បុរស ថ្លែងបែបនេះ គឺក្នុងកិច្ចប្រជុំទ្វេភាគីរវាងក្រសួងសង្គមកិច្ច អតីតយុទ្ធជន និងយុវនីតិសម្បទា ជា មួយថ្នាក់ដឹកនាំ នៃក្រសួងសាមគ្គីភាពសង្គម និងបរិយាប័ន្ន នៃប្រទេសទីម័រ នាថ្ងៃទី ២៧ ខែមករា ឆ្នាំ ២០២២នេះ នៅទីស្តីការក្រសួង។

លោក សំហេង បុរស បានថ្លែងឲ្យដឹងបន្តថា កិច្ចប្រជុំនេះ មានគោលបំណងពិភាក្សា លើកិច្ចសហប្រតិ​បត្តិការ លើវិស័យសង្គមកិច្ច និងពិភាក្សាលើការរៀបចំ សម្រាប់បេសកកម្មស្វែងរកការពិត នៃសហគមន៍សង្គម-វប្បធម៌អាស៊ាន និងសហគមន៍សេដ្ឋកិច្ចអាស៊ាន តែម្ដង។

លោក សំហេង បុរស សង្ឃឹមថា ដំណើរការនៃកិច្ចប្រជុំនេះ នឹងផ្តល់នូវអត្ថប្រយោជន៍ និងអនុម័តរួមលើវិស័យសង្គមកិច្ច និងសហគមន៍ សេដ្ឋកិច្ចអាស៊ាននៅកម្ពុជា និងខាងទីម័រ ផងដែរ៕

អត្ថបទ៖ វិមាន