កីឡា
យុវជន៥រូបនេះជាតួសំខាន់សម្រាប់ U23 កម្ពុជាពាន AFF U23 ខែនេះ
កម្ពុជាទទួលធ្វើម្ចាស់ផ្ទះរៀបចំការប្រកួតជើងឯកយុវជនអាយុក្រោម២៣ឆ្នាំប្រចាំតំបន់អាស៊ាន ឆ្នាំ២០២២គឺ AFF U23 Championship 2022 នៅលើទីលាននៃពហុកីឡដ្ឋានជាតិមរតកតេជោ និងកីឡដ្ឋានមួយចំនួនទៀតពីថ្ងៃទី១៤ ខែកុម្ភៈ។
ក្នុងនាមជាម្ចាស់ផ្ទះ ក្រុម U23 កម្ពុជាត្រូវបានមហាជនមើលឃើញមានសង្ឃឹមខ្ពស់ក្នុងការឡើងទៅវគ្គបន្ត បន្ទាប់ពីចាប់ឆ្នោតចូលទៅក្នុងពូលជាមួយក្រុមដែលមានកម្រិតសមត្ថភាពមិនលើសខ្វះគ្នាប៉ុន្មាន។ កម្ពុជាស្ថិតនៅពូល A មានក្រុមទីម័រខាងកើត ហ្វីលីពីន និងព្រុយណេ។
បច្ចុប្បន្ននេះ កម្ពុជាសំបូរកីឡាករយុវជនល្អៗ បន្ទាប់ពីក្លឹបក្នុងស្រុកជាច្រើនបានកំពុងបណ្តុះបណ្តាលយុវជន បូករួមទាំងសាលាបាល់ទាត់ជាតិបាទីដែលបានក្លាយជាប្រភពធនធានដ៏សំខាន់ចំពោះក្រុមជម្រើសជាតិកម្ពុជា។
មុនពេល AFF U23 Championship ចូលមកដល់ យើងសូមលើកយកយុជន៥រូបដែលជាតួអង្គសំខាន់សម្រាប់ក្រុម U23 កម្ពុជាគឺ លឹម ពិសុទ្ធ យុវជនឆ្នើមរបស់ក្លឹបភ្នំពេញក្រោន, សៀង ចន្ធា សមាជិកសំខាន់របស់បឹងកេត, មិន រតនៈ យុវជនសំខាន់មកពីក្លឹបព្រះខន្ធរាជស្វាយរៀង, សារ ទី តួថ្មីសំខាន់របស់ក្លឹបវិសាខា និងយុវជនឆ្នើមក្រសួងការពារជាតិ ញាណ សុស៊ីដាន។
តាមពិតទៅនេះ គិតត្រឹមថ្ងៃទី១ ខែកុម្ភៈនេះ សហព័ន្ធកីឡាបាល់ទាត់កម្ពុជាមិនទាន់ប្រកាសបញ្ជីឈ្មោះ២៣នាក់ចុងក្រោយនៅឡើយទេ ប៉ុន្តែផ្អែកតាមសមត្ថភាព បទពិសោធ និងបច្ចេកទេសលើទីកន្លងមក យុវជនទាំង៥នាក់នេះមានភាគរយខ្ពស់ក្នុងការជាប់។ លើកលែងតែមានហេតុចាំបាច់ណាមួយដែលពួកគេមិនអាចចូលរួមបាន។
អ្វីដែលជាកម្លាំងចិត្តសំខាន់មួយទៀតនោះ លោក Keisuke Honda នឹងមកដឹកនាំក្រុម U23 កម្ពុជាដោយផ្ទាល់តែម្តង។ អ្នកចាត់ការសញ្ជាតិជប៉ុនដាក់គោលដៅសំខាន់សម្រាប់ស៊ីហ្គេម ឆ្នាំ២០២៣ ប៉ុន្តែលោកបានដឹកនាំប្រកួតសំខាន់ៗជាច្រើនមកហើយដូចជាពានរង្វាន់ AFF Suzuki Cup ជាដើម។ ជាមួយគ្នានេះ កីឡាស៊ីហ្គេម ឆ្នាំ២០២២ នៅប្រទេសវៀតណាម ក៏នឹងមកដល់នាខែឧសភាខាងមុខនេះ។
ពូល A
- កម្ពុជា (ម្ចាស់ផ្ទះ)
- ទីម័រខាងកើត
- ហ្វីលីពីន
- ព្រុយណេ
ពូល B
- ឥណ្ឌូណេស៊ី
- ម៉ាឡេស៊ី
- មីយ៉ាន់ម៉ា
- ឡាវ
ពូល C
- ថៃ
- វៀតណាម
- សិង្ហបុរី
អត្ថបទ៖ វីរបុត្រ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?