ព័ត៌មានជាតិ
លោក វង សូត ផ្តាំផ្ញើមន្ត្រីទើបទទួលតំណែងថ្មី ត្រូវបន្តខិតខំបម្រើប្រជាពលរដ្ឋ ឲ្យបានកាន់តែល្អ
លោក វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បានផ្តាំផ្ញើដល់មន្ត្រីទើបទទួលតំណែងថ្មី ក៏ដូចក្រុមការងារគ្រប់មូលដ្ឋានទាំងអស់ ត្រូវខិតខំបេ្តជ្ញាចិត្តបម្រើប្រជាពលរដ្ឋឲ្យល្អថែមទៀត តាមដែលអាចធ្វើបាន។ ការលើកឡើងរបស់លោក វង សូត ខាងលើនេះ គឺបានធ្វើឡើងក្នុងពិធីប្រកាសផ្ទេរភារកិច្ច និងតែងតាំងមុខតំណែង ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តតាកែវ នៅព្រឹកថ្ងៃទី ១៧ ខែកុម្ភៈ ឆ្នាំ ២០២២នេះ។
ពិធីប្រកាសផ្ទេរភារកិច្ច និងតែងតាំងមុខតំណែង ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តតាកែវ ត្រូវបានធ្វើឡើងដោយអនុវត្តយ៉ាងខ្ជាប់ខ្ជួន តាមវិធានសុខាភិបាល និងការធ្វើតេស្តរហ័ស (Rapid Test ) សម្រាប់សមាជិក-សមាជិកា ដែលចូលរួមផងដែរ។
សូមជម្រាបថា លោក សេន សុខគា ក្របខ័ណ្ឌអនុមន្រ្តីថ្នាក់លេខ ១ ត្រូវបានក្រសួងសង្គមកិច្ច អតីតយុទ្ធជន និងយុវនីតិសម្បទា ផ្ទេរតួនាទីភាកិច្ច និងតែងតាំងមុខតំណែង ជាប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាថ្មី ជំនួសលោក ប៊ុន បូរិន្ទ ដែលត្រូវបានផ្ទេរភារកិច្ចឲ្យមកបម្រើការងារ នៅទីស្តីការក្រសួងវិញ។
លោករដ្ឋមន្ត្រី វង សូត បានថ្លែងនូវការលើកទឹកចិត្តដល់មន្ត្រីក្រោមឱវាទ ជាពិសេសអ្នកទើបទទួលតំណែងថ្មី អាជ្ញាធរ មូលដ្ឋាន ក្រុមការងារបន្តចុះជួយតាមឃុំ-ភូមិ ត្រូវទទួលខុសត្រូវឲ្យខ្ពស់ ក្នុងការចុះពិនិត្យលើប័ណ្ណសមធម៌ របស់គ្រួសារក្រីក្រ ដែលទទួលបានផលប្រយោជន៍ ពីរាជរដ្ឋាភិបាល។
ម្យ៉ាងទៀតត្រូវគ្រប់គ្រងឲ្យច្បាស់លាស់ ចំពោះស្ថានភាពជាក់ស្តែង ពោលគឺថា គ្រួសារក្រីក្រពិត ឬមិនពិត និងត្រួតពិនិត្យលើប័ណ្ណសមធម៌តាមលក្ខខណ្ឌ ដែលត្រូវទទួលបានសាច់ប្រាក់ ពីរាជរដ្ឋាភិបាលកម្ពុជា មានប្រមាណជិត ៣លាននាក់ ដែលត្រូវទទួលបានប្រាក់ឧបត្តម្ភនេះ សរុបទូទាំងប្រទេស។
ជាមួយគ្នានេះលោក វង សូត ក៏បានជំរុញដល់មន្ត្រីទាំងអស់ ជាពិសេសប្រធានទើបតែងតាំងថ្មី ត្រូវបន្តការងារមួយនេះឲ្យខ្ជាប់ខ្ជួន តាមទិសដៅ និងយុត្តសាស្ត្រ របស់រាជរដ្ឋាភិបាលកម្ពុជា ដូចពាក្យស្លោក មួយពោលថា (យើងមិនទុកនរណាម្នាក់ ជួបការលំបាក ដោយមិនបានដោះស្រាយ)៕
អត្ថបទ៖ វិមាន
-
ព័ត៌មានជាតិ២ ថ្ងៃ ago
លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
ជីវិតកម្សាន្ដ៦ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
សេចក្ដីជូនដំណឹង៤ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានជាតិ៤ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានអន្ដរជាតិ៦ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
កីឡា៣ ថ្ងៃ ago
ស្ថាបនិក KSF ផ្តល់តម្លៃ ឈឿង ល្វៃ ខ្ពស់បំផុតសម្រាប់កំណត់ត្រាជូនជាតិ
-
ព័ត៌មានជាតិ៤ ថ្ងៃ ago
បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ
-
ព័ត៌មានអន្ដរជាតិ២៣ ម៉ោង ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត