Biden ថា Putin មិនអាចបន្តកាន់អំណាចបានទេ ស្រាប់តែវិមានក្រឹមឡាំង តបទៅវិញផាំងៗ

ប្រធានាធិបតីអាមេរិកលោក Joe Biden បានប្រកាសកាលពីថ្ងៃសៅរ៍ទី២៧ ខែមីនាថា ប្រធានាធិបតីរុស្ស៊ីលោក Vladimir Putin មិនអាចបន្តកាន់អំណាចបានទេ។ យ៉ាងណាមិញ ក្រោយការប្រកាសរបស់លោក បៃដិន សេតវិមានបានបកស្រាយថា នេះមិនមែនជាការអំពាវនាវឲ្យមានការផ្លាស់ប្តូររបបឡើយ។

លោក បៃដិន បានប្រកាសនៅចុងបញ្ចប់នៃសុន្ទរកថានៅវិមាន Royal Castle ក្នុងទីក្រុង វ៉ាសូវី នៃប្រទេសប៉ូឡូញថា “ដើម្បីសេចក្តីល្អ បុរសម្នាក់នេះមិនអាចបន្តកាន់អំណាចបានទេ”។
“ជំហររបស់លោកប្រធានាធិបតីគឺថា លោក Putin មិនអាចអនុញ្ញាតឲ្យប្រើអំណាចលើប្រទេសជិតខាង ឬតំបន់របស់គាត់នោះទេ”។ នេះបើតាមការអះអាងរបស់មន្ត្រីសេតវិមាន។

ទោះយ៉ាងណា មន្ត្រីសេតវិមាននិយាយថា ការគូសបញ្ជាក់របស់លោក Biden ដែលថាលោក Putin មិនអាចបន្តកាន់អំណាចបាន មិនមានស្ថិតនៅក្នុងសុន្ទរកថាដែលបានរៀបចំទុកនោះទេ។

ភ្លាមៗនោះដែរ មានប្រតិកម្មពីខាងភាគីរុស្ស៊ី ដោយអ្នកនាំពាក្យវិមានក្រឹមឡាំង លោក Dmitry Peskov បាននិយាយថា “រឿងនេះមិនមែនជាការសម្រេចចិត្តដោយលោក Biden ឡើយ។ វាគួរតែជាជម្រើសរបស់ប្រជាជន នៃសហព័ន្ធរុស្ស៊ី តែមួយគត់”៕

ប្រែសម្រួល៖ សន្យា

ប្រភព៖ CNN

ចុចអាន៖ Zelenskyy ស្តីបន្ទោសលោកខាងលិច ដែលមិនផ្តល់យន្តហោះចម្បាំងឲ្យ អ៊ុយក្រែន