ប្រភពមួយទម្លាយថា បវរកញ្ញា Ingfa ធ្លាប់ឆ្លងកាត់ការវះកាត់ជាច្រើនកាំបិត

ប្រិយមិត្ត កម្ពុជាថ្មី បានដឹងរួចមកហើយថា កាលពីថ្ងៃទី៣០ ខែមេសា ឆ្នាំ២០២២ កន្លងទៅ ថៃ បានរកឃើញម្ចាស់មកុដ​ Miss Grand Thailand 2022 របស់ខ្លួន ដោយបានទៅលើបវរកញ្ញា Ingfa Waraha ជាបេក្ខភាពមកពីក្រុងបាងកក។

ម្ចាស់មកុដរូបនេះ មិនត្រឹមតែមានសមត្ថភាពពូកែ និប្រវត្តិល្អនោះទេ ប៉ុន្តែរូបសម្រស់របស់នាងក៏ស្រស់ស្អាតខ្លាំង ពិតជាសក្តិសមជាប់ជាតំណែង Miss Grand ថៃ ជាទីបំផុត។

ទន្ទឹមនឹងភាពជោគជ័យយ៉ាងត្រចះត្រចង់នេះដែរ បវរកញ្ញា Ingfa Waraha ត្រូវបានគេទម្លាយថា រូបសម្រស់ស្រស់ស្អាតរបស់នាងមិនមែនកើតមានពីធម្មជាតិឡើយ ​ពោលគឺនាងធ្លាប់ឆ្លងកាត់ការវះកាត់ជាច្រើនកាំបិត​ ទម្រាំមានរូបសម្ផស្សដូចបច្ចុប្បន្ន។

ក្នុងនោះដែរ ផេកហ្វេសប៊ុកមួយដែលមានឈ្មោះ មន្ទីរពេទ្យកែសម្ផស្ស ID បានទម្លាយប្រវត្តិរបស់បវរកញ្ញាវ័យ ២៧ឆ្នាំនេះថា  ភាពស្រស់ស្អាត និងភាពជោគជ័យរបស់ Ingfa គឺនាងធ្លាប់វះកាត់ច្រមុះ, បូមមុខ V និងធ្លាប់វះកាត់ពង្រីកដើមទ្រូងទៀតផង។

យ៉ាងណាមិញ ព័ត៌មានបែកធ្លាយនេះ សាមីខ្លួនមិនទាន់ចេញមុខបកស្រាយនៅឡើយ ក៏មិនទាន់មានសមាជិកពីស្ថាប័ន MGT ​មកអះអាងអ្វីដែរ៕

អត្ថបទ៖ សន្យា

ចុចអាន៖ សាវតាបវរកញ្ញា Ingfah Waraha ម្ចាស់មកុដ Miss Grand ថៃ ឆ្នាំនេះ