KPT+
សាវតាបវរកញ្ញា Engfa Waraha ម្ចាស់មកុដ Miss Grand ថៃ ឆ្នាំនេះ
បវរកញ្ញា Engfa Waraha Missgran ម្ចាស់មកុដ Miss Grand Thailand 2022 មានប្រវត្តិជីវិតជូរចត់ជាច្រើន ដោយធ្លាប់ដើរច្រៀងលក់អីវ៉ាន់ តាំងពីក្មេងៗ ដើម្បីរកប្រាក់ចិញ្ចឹមជីវិត។
បវរកញ្ញា Engfa Waraha Missgran មានឈ្មោះហៅក្រៅថា Mook នៅឆ្នាំនេះ នាងមានអាយុ ២៤ហើយ។ បច្ចុប្បន្នកំពុងសិក្សាថ្នាក់បរិញ្ញាបត្រឆ្នាំទី៤ នៃសាកលវិទ្យាល័យ Valaya Alongkorn Rajabhat។ នាងកើតក្នុងគ្រួសារតន្ត្រីករ មានឪពុកជាអ្នកលេងអក និងម្តាយជាអ្នកចម្រៀង។ កាលនៅវិទ្យាល័យ នាងជាសិស្សសកម្មណាស់ ដោយតែងតែចូលរួមការប្រឡងច្រៀង និងកំណាព្យ តំណាងឲ្យសាលា មិនដែលខាន។ ដោយសារមានទេពកោសល្យល្អពីកំណើតផង និងដោយសារកើតក្នុងគ្រួសារតន្ត្រីករផង បវរកញ្ញារូបនេះអាចច្រៀងបានយ៉ាងល្អ។
មុនមកដណ្ដើមបានមកុដ Miss Grand ថៃ ឆ្នាំ២០២២ នាងធ្លាប់ប្រឡូកក្នុងអាជីពជាច្រើន។ នាងធ្លាប់ចូលរួមប្រកួតចម្រៀងតាំងពីអាយុ ៦ឆ្នាំមកម្ល៉េះ និងធ្លាប់លក់អាហារតាមផ្លូវដូចជា ផ្លែឈើ បុកល្ហុង និងប្រហិតជាដើម។ ក្រៅពីនោះបវរកញ្ញាតំណាងក្រុងបាងកករូបនេះ ធ្លាប់ប្រឡូកក្នុងវិស័យចម្រៀង បង្ហាញម៉ូដ និងជានារីធ្វើការក្នុងការិយាល័យ។
តាមពិតមុនពេលឡើងឆាកប្រកួត Miss Grand Thailand 2022 គេធ្លាប់ស្គាល់នាងរួចហើយ តាមរយៈការចូលរួមក្នុងកម្មវិធីប្រឡងចម្រៀង The Voice Thailand 2018។ មិនតែប៉ុណ្ណោះ កាលពីឆ្នាំ២០២០កន្លងទៅ Engfa ធ្លាប់ប្រឡងក្នុងកម្មវិធី Miss Grand តំណាងខេត្ត Suphanburi ប៉ុន្តែចុងក្រោយនាងដកខ្លួនចេញវិញ ដោយសារបញ្ហាផ្ទាល់ខ្លួន។
យ៉ាងណាមិញ ឆ្នាំ២០២២នេះ Engfa ត្រឡប់មកចូលរួមប្រកួតម្តងទៀត ហើយអាចដណ្ដើមបានមកុដ Miss Grand Bangkok 2022 និងជាបេក្ខនារីជយលាភីឯកនៅលើឆាក Miss Grand Thailand 2022 ដែលតំណាងប្រទេស ថៃ ទៅចូលរួមប្រកួត Miss Grand International 2022 នាខែតុលាខាងមុខ នៅប្រទេសឥណ្ឌូនេស៊ី។
គួរបញ្ជាក់ថា បវរកញ្ញា Engfa Waraha Missgran ដែលជាម្ចាស់ជយលាភី Miss Grand Thailand 2022 ក្រោយឈ្នះពានរង្វាន់ នាងទទួលបានមកុដមាសដែលមានតម្លៃ ១លាន ២សែនបាត ប្រាក់សុទ្ធ ១លានបាត ខុនដូមួយបន្ទប់ និងរង្វាន់ជាច្រើនផ្សេងទៀត៕
ប្រែសម្រួល៖ សន្យា
ចុចអាន៖ វិថីសិល្បៈរបស់ Kimberley តារាស្រី ថៃ ស្រករក្រោយដែលពោរពេញដោយទេពកោសល្យ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ