បុរសម្នាក់ត្រៀមរៀបការជាមួយបងប្អូនស្រី ៣នាក់ ផ្អើលពេញអ៊ីនធឺណិត

រឿង​រ៉ាវស្នេហា​របស់​​បងប្អូន​ស្រីភ្លោះ ​៣​នាក់ និង​លោក Bigman Stevo កំពុង​ធ្វើ​ឱ្យ​មហាជន​ចាប់អារម្មណ៍​ខ្លាំង ដោយសារតែពួកនាងព្រមរៀបការប្ដី១ជាមួយគ្នាដោយគ្មានលក្ខខណ្ឌអ្វីសោះ។

ប៉ុន្មានថ្ងៃចុងក្រោយនេះ ព័ត៌មានអំពីបុរសជនជាតិកេនយ៉ា Bigman Stevo ដែលនឹងរៀបការជាមួយបងប្អូនស្រីបង្កើត ៣នាក់ កំពុងទទួលបានការចាប់អារម្មណ៍ខ្លាំងពីសំណាក់អ្នកនិយមលេងអ៊ីនធឺណិត ស្ទើរពាសពេញពិភពលោក។

ប្រភពពី Gotta News បានឱ្យដឹងថា លោក Stevo គឺជាសហគ្រិនវ័យក្មេង និងជាអ្នកបង្កើតមាតិកា TikTok។ បុរសរូបនេះបានប្រាប់អ្នកសារព័ត៌មានថា​ ​ខ្លួនចង់​រៀបការ​ជាមួយ​ប្រពន្ធ​ច្រើន ព្រោះលោកមាន​ទំនោរ​លើពហុពន្ធភាពក្នុងពេលតែមួយ។ ហើយបើទោះបីលោកការប្រពន្ធម្ដង ៣ ក៏ពិតមែន ប៉ុន្តែលោកអះអាងថា ខ្លួនជាមនុស្សស្មោះត្រង់នឹងស្នេហាណាស់។

ចំណែកនារី​ទាំង​ ៣​ ​ដែល​ Stevo នឹង​រៀប​ការជាមួយ​នោះ​មាន​ឈ្មោះ​ថា Cate, Eve និង Mary ។ Cate ជាបងស្រីច្បង និងជាអ្នកដែលបានជួបជាមួយ Stevo មុនគេ។ បន្ទាប់មកនាងបានណែនាំមិត្តប្រុសឱ្យណាត់ជួបជាមួយប្អូនស្រីទាំងពីរ ហើយពួកនាងក៏យល់ព្រម។ មិនត្រឹមតែទាក់ទងមិត្តប្រុសតែ១ជាមួយគ្នានោះទេ ពួកនាងទាំង ៣ ថែមព្រមរៀបការស្វាមីជាមួយគ្នា ក្នុងពេលឆាប់ៗខាងមុខនេះផងដែរ។

បងប្អូនស្រីទាំង ៣ បាននិយាយថា ពួកនាងមិនមានអារម្មណ៍ច្រណែនគ្នាទេ នៅពេលដែល Stevo ទៅជាមួយបងប្អូនផ្សេង ហើយពួកនាងពិតជាពេញចិត្តចំពោះទំនាក់ទំនងមួយនេះ៕

ប្រែសម្រួល៖ សន្យា

ចុចអាន៖ ទោះមានប្រពន្ធហើយ បុរសម្នាក់ការជាមួយមិត្តស្រីម្តង ៨នាក់ និងគ្រោងយកបន្ថែមទៀត