ទោះមានប្រពន្ធហើយ បុរសម្នាក់ការជាមួយមិត្តស្រីម្តង ៨នាក់ និងគ្រោងយកបន្ថែមទៀត

តារាម៉ូឌែលប្រេស៊ីលម្នាក់ បានរៀបការប្រពន្ធដល់ទៅ ៩នាក់ បង្កការភ្ញាក់ផ្អើលពាសពេញពិភពលោក ខណៈប្រពន្ធទាំងអស់រស់នៅជាមួយគ្នាដោយសុភមង្គលក្រោមដំបូលតែមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការចុះផ្សាយពីសារព័ត៌មាន Daily Mail បានរាយការណ៍ថា Arthur O Urso គឺជាតារាម៉ូឌែលប្រុសជនជាតិប្រេស៊ីល ដែលមិនត្រឹមតែល្បីល្បាញដោយសាររូបរាងសង្ហាប៉ុណ្ណោះទេ ប៉ុន្តែលោកមានប្រពន្ធចំនួនរហូតដល់ ៩នាក់ឯណោះ ដោយបានទាក់ទាញចំណាប់អារម្មណ៍អ្នកលេងអ៊ីនធឺណិតរាប់សិបលាននាក់។

ភរិយាទីមួយ និងជាភរិយាស្របច្បាប់របស់ Arthur O Urso គឺអ្នកស្រី Luana Kazaki បានរៀបការការជាមួយគ្នា កាលពីឆ្នាំ២០២១។ មិនយូរប៉ុន្មាន Arthur O Urso សម្រេចចិត្តរៀបការជាមួយមិត្តស្រីរបស់ខ្លួនចំនួន ៨នាក់ ក្នុងពេលតែមួយ ហើយពិធីប្រារព្ធតែបែបសាសនា នៅឯព្រះវិហារតែប៉ុណ្ណោះ ដោយមិនបានចុះបញ្ជីអាពាហ៍ពិពាហ៍នោះទេ ព្រោះការរៀបការពហុពន្ធភាពខុសទៅនឹងច្បាប់នៅក្នុងប្រទេស ប្រេស៊ីល។

យ៉ាងណាមិញ រឿងរ៉ាវប្រពន្ធ ៩នាក់របស់តារាម៉ូឌែលរូបនេះ ទើបតែផ្ទុះឡើងម្ដងទៀត ដោយសារតែកាលថ្ងៃទី០៤ ខែមេសា ឆ្នាំ២០២២ កន្លងទៅ ភរិយាម្នាក់ឈ្មោះ Agatha បានសុំលែងលះ ព្រោះនាងមិនចង់ចែករំលែកស្វាមីជាមួយស្រីផ្សេង។ ​នាងចង់បានសុភមង្គល​ពេញលេញ ដែលមានតែពីរនាក់ប្ដីប្រពន្ធប៉ុណ្ណោះ។ ​

ចំពោះមូលហេតុនេះ តារាម៉ូឌែល Arthur ​បាន​ប្រាប់​អ្នកសារព័ត៌មានថា ភរិយារបស់ខ្លួនលើកហេតុផលមិនសមទាល់តែសោះ ព្រោះលោក​មិន​អាចនៅ​ជា​មួយ​នាងតែម្នាក់​បាន​ទេ ចុះកាលដើមឡើយ ម្ដេចនាងព្រមរៀបការនឹងលោក ទាំងដឹងថាមានប្ដីរួមគ្នា។ លោកមានប្រពន្ធ ៨នាក់ផ្សេងទៀតត្រូវការការមើលថែ និងមានកូនស្រីម្នាក់ត្រូវទទួលខុសត្រូវផងដែរ។ យ៉ាងណាមិញ លោកនៅតែព្រមលែងលះ តាមការស្នើសុំ។

បន្ទាប់ពីភរិយាម្នាក់បានលែងលះទៅ Arthur បង្ហើបថា ​នៅ​ថ្ងៃខាងមុខលោកបន្ត​រក​ប្រពន្ធ​ថ្មី ២បន្ថែមទៀត ខណៈបុរសរូបនេះ​គ្រោង​មាន​ប្រពន្ធ ​១០​នាក់៕

ប្រែសម្រួល៖ សន្យា

ចុចអាន៖ ប្ដីប្រពន្ធមានកូនច្រើនជាងគេលើលោក កូនរហូតដល់ ៦៩នាក់

ចុចអាន៖ ស្រីស្អាតអាយុ ២៧ឆ្នាំ ក្លាយជាលោកយាយវ័យ ៧០ឆ្នាំ ក្រោយសម្រាលកូនដំបូង