គ្រាន់តែអាមេរិកប្រកាសផ្តល់រ៉ុកកែតឲ្យអ៊ុយក្រែនភ្លាម រុស្ស៊ី ធ្វើសមយុទ្ធបាញ់នុយក្លេអ៊ែរភ្លែត

ដោយដកស្រង់ប្រភពពីក្រសួងការពារជាតិរុស្ស៊ី, ទីភ្នាក់ងារព័ត៌មាន Interfax បានរាយការណ៍នៅថ្ងៃពុធទី១ខែមិថុនានេះថា កងកម្លាំងនុយក្លេអ៊ែររុស្ស៊ី កំពុងធ្វើសមយុទ្ធនៅក្នុងខេត្ត Ivanovo ភាគឦសានទីក្រុងមូស្គូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីក្រសួង ទាហាន​ប្រមាណ ១០០០ នាក់​ កំពុង​ធ្វើសមយុទ្ធទ្រង់ទ្រាយធំ​ដោយ​ប្រើ​យានជំនិះ​ជាង ១០០ គ្រឿង រួម​ទាំង​កាំជ្រួច​មីស៊ីល​អន្តរទ្វីប Yars ផងដែរ។

របាយការណ៍នេះកើតឡើង ចំពេលដែលប្រធានាធិបតីសហរដ្ឋអាមេរិកលោក Joe Biden ប្រកាសថា សហរដ្ឋអាមេរិកនឹងផ្តល់ឲ្យអ៊ុយក្រែន នូវប្រព័ន្ធរ៉ុកកែត និងអាវុធទំនើបបន្ថែមទៀត ដែលជាផ្នែកនៃកញ្ចប់ជំនួយសន្តិសុខក្នុងទំហំទឹកប្រាក់ ៧០០លានដុល្លារ។

កញ្ចប់ជំនួយថ្មីរបស់ទីក្រុងវ៉ាស៊ីនតោនសម្រាប់ប្រទេសអ៊ុយក្រែន នឹងរួមបញ្ចូលនូវអ្វីដែលសហរដ្ឋអាមេរិកចាត់ទុកថាជា គ្រាប់រ៉ុកកែតរយៈចម្ងាយមធ្យម ដែលជាទូទៅអាចធ្វើដំណើរបានប្រហែល ៧០ គីឡូម៉ែត្រ។

មន្ត្រីអាមេរិកបាននិយាយកាលពីថ្ងៃអង្គារទី៣១ខែឧសភាថា នោះគឺជាអាវុធដ៏សំខាន់មួយ ដែលមេដឹកនាំអ៊ុយក្រែន កំពុងស្នើសុំ ខណៈពួកគេ តស៊ូដើម្បីបញ្ឈប់ការលុកលុយរបស់រុស្ស៊ីនៅក្នុងតំបន់ Donbas៕

ប្រែសម្រួល៖ Vann Vann

ប្រភព៖ Sky

ចុចអាន៖ រុស្ស៊ី វាយប្រហាររោងចក្រគីមីអ៊ុយក្រែន ខណៈលោក Zelensky ហៅថាជា “អំពើឆ្កួតលីលា”