ព័ត៌មានអន្ដរជាតិ
ហុងកុងតែងតាំងគណៈរដ្ឋមន្ត្រីថ្មី ក្នុងនោះ៤នាក់ជាប់ទណ្ឌកម្មអាមេរិក
រដ្ឋាភិបាលទីក្រុងប៉េកាំងកាលពីថ្ងៃអាទិត្យ ទី២០ ខែមិថុនា បានតែងតាំងគណៈរដ្ឋមន្ត្រីថ្មីសម្រាប់ទីក្រុងហុងកុង ក្នុងនោះមានមន្ត្រីជាន់ខ្ពស់៤រូបកំពុងជាប់ទណ្ឌកម្មរបស់សហរដ្ឋអាមេរិក។
សហរដ្ឋអាមេរិកបានដាក់ទណ្ឌកម្មមន្ត្រីហុងកុង និងប៉េកាំងចំនួន១១នាក់រយៈពេល២ឆ្នាំកន្លងមកហើយ បន្ទាប់ពីច្បាប់សន្តិសុខជាតិដ៏ទូលំទូលាយត្រូវបានដាក់ចេញដើម្បីលុបបំបាត់ទីក្រុងដែលគ្រប់គ្រងពាក់កណ្តាលស្វ័យត ក្រោយពេលមានការតវ៉ាប្រជាធិបតេយ្យទ្រង់ទ្រាយធំបណ្តាលឲ្យផ្ទុះហិង្សាកាលពីឆ្នាំ២០១៩។
អ្នកជាប់ទណ្ឌកម្មរបស់អាមេរិកគឺមាន៧រូបនៃរដ្ឋាភិបាលហុងកុងមិនមានវត្តមាននៅក្នុងគណៈរដ្ឋមន្ត្រីឡើយ ប៉ុន្តែមាន៤រូបដែលនឹងបន្តក្នុងរដ្ឋបាលថ្មីគឺលោក John Lee ទទួលតំណែងជាអ្នកដឹកនាំ លោក Chris Tang រដ្ឋមន្ត្រីសន្តិសុខ លោក Erick Tsang រដ្ឋមន្ត្រីកិច្ចការចិនដីគោក និងប្រធានលេខាធិការថ្មី លោក Eric Chan។
៣នាក់ផ្សេងទៀតដែលជាប់ទណ្ឌកម្មរបស់អាមេរិកគឺអធិការប៉ូលិសចូលនិវត្តន៍ Steven Lo, មេដឹកនាំដែលត្រូវចុះចេញលោកស្រី Carrie Lam និងរដ្ឋមន្ត្រីយុត្តិធម៌ Teresa Cheng ត្រូវបានជំនួសដោយអ្នកផ្សេង។
ស្ថិតក្រោមទណ្ឌកម្ម លោកស្រី Lam បាននិយាយថា លោកស្រីបានបង្ខំចិត្តទទួលយកប្រាក់ខែជាសាច់ប្រាក់ដោយសារជាប់បំរាមរឹតត្បិតធនាគារ។
ក្នុងការណែនាំគណៈរដ្ឋថ្មីដល់អ្នកសារព័ត៌មានកាលពីថ្ងៃអាទិត្យ លោក Lee បាននិយាយថា លោកបានសើចចំអកចំពោះអ្វីដែលហៅថា ទណ្ឌកម្ម និងមិនបានយកចិត្តទុកដាក់ជុំវិញរឿងនេះទេ។
«ប្រទេសដែលជាអ្នកសម្លុតមួយចំនួនបានព្យាយាមបំភិតបំភ័យមន្ត្រីហុងកុងតាមរយៈចំណាត់ការផ្សេងៗដូចជាទណ្ឌកម្មជាដើម ជាពិសេស បន្ទាប់ពីផែនការអាក្រក់របស់ពួកគេក្នុងបំផ្លិចបំផ្លាញសន្តិសុខជាតិបានបរាជ័យ ដោយសារតែចំណាត់ការរបស់យើងបានត្រៀមទប់ទល់»។ លោក Lee មានប្រសាសន៍។
ការតែងតាំងគណៈរដ្ឋមន្ត្រីថ្មីចំនួន២៦រូបកាលពីថ្ងៃអាទិត្យម្សិលមិញបានកើតមានឡើងមិនដល់ពីរសប្តាហ៍មុនពេលរដ្ឋាភិបាលថ្មីនឹងចូលកាន់តំណែងនៅថ្ងៃទី១ ខែកក្កដា ចំខួបលើកទី២៥ឆ្នាំនៃការផ្ទេរទីក្រុងហុងកុងរបស់ចក្រភពអង់គ្លេសទៅឲ្យប្រទេសចិន។
លោក Lee ជាបេក្ខភាពតែមួយគត់ក្នុងការបោះឆ្នោតជ្រើសរើសមេដឹកនាំហុងកុង និងទទួលបានសំឡេងគាំទ្រ៩៩% បន្ទាប់ពីចិនបានផ្លាស់ប្តូរប្រព័ន្ធបោះឆ្នោតប្រចាំហុងកុងកាលពីឆ្នាំ២០២១ដើម្បីធានាដា នរណាម្នាក់ដែលត្រូវបានចាត់ទុកមិនស្នេហាជាតិនឹងមិនមានសិទ្ធិឈរឈ្មោះឡើយ៕
ប្រែសម្រួល៖ វីរបុត្រ
ប្រភព៖ AFP/gr
-
ព័ត៌មានជាតិ៣ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ១ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៨ ម៉ោង agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
សន្តិសុខសង្គម១ សប្តាហ៍ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ៦ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន