ព័ត៌មានជាតិ
លោក ឆាយ គឹមខឿន ជំរុញឲ្យជនរងគ្រោះដាក់ពាក្យបណ្តឹង ដើម្បីវែកមុខអ្នកគំរាមទារលុយតាមអនឡាញ
លោកឧត្តមសេនីយ៍ឯក ឆាយ គឹមខឿន អ្នកនាំពាក្យអគ្គស្នងការនគរបាលជាតិ បានជំរុញឲ្យជនរងគ្រោះក្នុងករណីជំពាក់លុយតាមអនឡាញ ហើយរងការគំរាមកំហែងដាក់ពាក់បណ្តឹងទៅកាន់នាយកដ្ឋានប្រឆាំងបទល្មើសបច្ចេកវិទ្យា ដើម្បីចាត់វិធានការតាមផ្លូវច្បាប់។ ការជំរុញនេះ គឺបន្ទាប់ពីក្នុងពេលប៉ុន្មានថ្ងៃនេះ មានការលេចឡើងនូវករណីបង្ហោះហ្វេសប៊ុកថា អ្នកនេះ អ្នកនោះជំពាក់លុយ ហើយគំរាមកំហែងឲ្យសងវិញជាបន្ទាន់ បើមិនចង់ឲ្យមានការបង្ហោះរូបភាពផ្សេងៗតទៅទៀត។
តាមបណ្តាញសង្គមតេឡេក្រាមមកកាន់«កម្ពុជាថ្មី»នៅរសៀលថ្ងៃអង្គារនេះ លោកឧត្តមសេនីយ៍ឯក ឆាយ គឹមខឿន បានលើកឡើងថា៖« ឥឡូវ ឲ្យយើងខ្ញុំទៅស្រាវជ្រាវយ៉ាងម៉េច បើពួកគាត់អត់មានបណ្តឹង គាត់ត្រូវប្តឹងមកនាយកដ្ឋានប្រឆាំងបទល្មើសបច្ចេកវិទ្យា»។ យ៉ាងណាក៏ដោយ លោកឧត្តមសេនីយ៍ឯក ឆាយ គឹមខឿន បានគូសបញ្ជាក់ថា បើគ្រាន់តែរូបភាពបង្ហោះខ្លីលុយ និងអ្នកឲ្យខ្លីលុយ វាមិនមែនជាធាតុផ្សំនៃបទល្មើសដែលត្រូវនាំយកទៅកាត់ទោសឡើយ។ ប៉ុន្តែ ផ្ទុយទៅវិញ បើសិនមានរូបភាពគំរាមកំហែង វា គឺជាបទល្មើសដែលត្រូវចាត់ការទៅតាមផ្លូវច្បាប់។
បើតាមលោកឧត្តមសេនីយ៍ឯក ឆាយ គឹមខឿន បើជនរងគ្រោះគ្រាន់តែបង្ហោះករណីរបស់ពួកគេនៅតាមបណ្តាញសង្គមហ្វេសប៊ុក គឺអាជ្ញាធរមានសមត្ថកិច្ចមិនអាចមានមូលដ្ឋាន ដើម្បីចាត់ការទៅលើរឿងនេះបានទេ។ ប៉ុន្តែ ជម្រើសដែលល្អ គឺជនរងគ្រោះដែលត្រូវបានគេគំរាមកំហែង ត្រូវមកសហការជាមួយសមត្ថកិច្ច ដើម្បីសមត្ថកិច្ចអាចប្រមូលបានព័ត៌មានពាក់ព័ន្ធផ្សេង ហើយធ្វើការលើរឿងនេះ។
សម្រាប់លោកឧត្តមសេនីយ៍ឯក ឆាយ គឹមខឿន ការប្រើប្រាស់បណ្តាញសង្គម គឺមានទាំងភាពល្អប្រសើរ និងគ្រោះថ្នាក់ដល់ខ្លួនឯង និងសង្គម។ លោកថា ប្រជាពលរដ្ឋ ត្រូវពិចារណាឲ្យបានមែនទែនចំពោះការឲ្យខ្ចីលុយតាមបណ្តាញអនឡាញនេះ ដោយថា មិនដែលនៅសុខៗគេស្រាប់តែឆាតមកឲ្យខ្ចីលុយនោះទេ គឺប្រាកដជាមានកលល្បិចណាមួយមិនខានឡើយ។ លោកក៏បានណែនាំដល់ប្រជាពលរដ្ឋឲ្យមានការប្រុងប្រយ័ត្ន និងយកចិត្តទុកស្តាប់ការណែនាំរបស់អាជ្ញាធរមានសមត្ថកិច្ចចំពោះបញ្ហានៅតាមប្រព័ន្ធអនឡាញនេះ៕
ដោយ៖ វណ្ណ សុគន្ធា
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល