កីឡា
ព្រះខ័នរាជស្វាយរៀង ឈរកំពូលតារាងលីក បានយូរជាងគេត្រឹម ១៧សប្ដាហ៍
ក្លិបបាល់ទាត់ព្រះខ័នរាជស្វាយរៀង បានស្មើជាមួយ ក្លិបបាល់ទាត់បឹងកេត ក្នុងពានរង្វាន់ខេមបូឌានព្រីមៀរលីគ ឆ្នាំ២០២២ លទ្ធផល ២-២ ក្នុងជំនួបសប្ដាហ៍ទី១៧ នៃជុំទី៣ នាល្ងាចថ្ងៃទី២៧ ខែសីហា ឆ្នាំ២០២២។
ការប្រកួតដែលចាប់ផ្ដើមនៅវេលាម៉ោង ៦និង៣០នាទីល្ងាច ព្រះខ័នរាជស្វាយរៀង បានចាប់ផ្ដើមដាក់គំនាបលើក្រុមភ្ញៀវបឹងកេត ដោយមានឱកាសរកគ្រាប់បាល់ ប៉ុន្តែមិនអាចធ្វើបានសម្រេច ទាំងបឹងកេតដូចគ្នា ហើយបានរក្សាលទ្ធផល ០-០ ដល់ចប់វគ្គទី១។
ចូលដល់វគ្គទី២ ព្រះខ័នរាជស្វាយរៀង បានព្យាយាមដាក់សម្ពាធលើបឹងកេត ប៉ុន្តែភ្លាមៗបឹងកេត ទៅវិញជាអ្នករកគ្រាប់បាល់នាំមុខដោយ ម៉ាត់ នូរុណ នៅនាទី៤៨ រំលងបាន ៦នាទី ពោលគឺនាទី៥៤ សឿយ វិសាល បានតាមស្មើឱ្យព្រះខ័នរាជស្វាយរៀង។ លុះចុលដល់នាទី៦៧ កីឡាករ Tukiainen Sakari បាននាំមុខឱ្យបឹងកេតម្ដងទៀត ជាហេតុធ្វើឱ្យបឹងកេត កាន់តែមានទំនុកចិត្ត។ យ៉ាងណាមិញការប្រកួតអូសបន្លាយដល់នាទី៨៤ ទើបព្រះខ័នរាជស្វាយរៀង តាមបានស្មើដោយកីឡាករ Marcus Haber ហើយបានរក្សាលទ្ធផល ២-២ នេះដល់ចប់ការប្រកួត បើទោះបីជានៅម៉ោងបន្ថែមព្រះខ័នរាជស្វាយរៀង មានឱកាសទាត់សំដៅទីបឹងកេត ច្រើនក៏ដោយ។
លទ្ធផលស្មើនេះធ្វើឱ្យព្រះខ័នរាជស្វាយរៀង នៅតែបន្តកាន់កាប់កំពូលតារាងនៃលីគកំពូលកម្ពុជា ឆ្នាំ២០២២ និងបានយូរជាងគេពោលគឺ ១៧សប្ដាហ៍ ដោយមាន ៣៩ពិន្ទុ លើក្រុមលេខ២ វិសាខា តាមពីក្រោយ ៥ពិន្ទុ។ ជាមួយគ្នានេះផងដែរ ព្រះខ័នរាជស្វាយរៀង បានធានាកៅអី Top 4 ហើយ ដោយបានដាច់ពិន្ទុក្រុមលេខ៥ ដល់ទៅ ១៩ពិន្ទុ៕
អត្ថបទ ៖ មន្នីរ័ត្ន
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៦ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម