ជីវិតកម្សាន្ដ

ទ្រាំលែងបាន! ស៊ូ ស៊ីរីកា ព្រមានវិធានការផ្លូវច្បាប់ចំពោះបុគ្គលណា ដែលបំផ្លាញកិត្តិយសខ្លួន

បានផុស

៤ years មុន

នៅ

ថ្ងៃចន្ទ ៥ កញ្ញា ២០២២

ដោយ

តារាចម្រៀងចង្កេះអង្រ្កងកញ្ញា ស៊ូ ស៊ីរីកា បានផ្ទុះប្រតិកម្មដោយធ្វើការព្រមានចាត់វិធានការផ្លូវច្បាប់ចំពោះបុគ្គលរូបណាដែលបានព្យាយាមតាមបំផ្លាញកិត្តយសថ្លៃថ្នូររបស់ខ្លួនផ្ទុយពីការពិត។

ការព្រមានរបស់តារាចម្រៀងកញ្ញា ស៊ូ ស៊ីរីកា នេះបានធ្វើឡើងភ្លាមៗបន្ទាប់ពីមានម្ចាស់គណនីហ្វេសប៊ុកមួយបានចូលទៅធ្វើការខមិនពីក្រោយនូវកាចុះផ្សាយព័ត៌មានមួយដែលបានរសរសេរចុះផ្សាយពីរូបនាងក្នុងអត្ថន័យល្អ និងលើកសរសើរ។ ប៉ុន្តែស្រាប់មាននារីម្នាក់បានរិះគន់ ស៊ូ ស៊ីរីកា ថា «ចេះតែចុះហ្មង នៅលីវអី កូនមួយហើយ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីមានការខមិនបែបនេះ តារាស្រី ស៊ូ ស៊ីរីកា ដោយមិនបានបង្អង់យូរទេនាងបានចេញមុខប្រតិកម្មឆ្លើយតបទាំងក្តៅចិត្តថា «ដឹងច្បាស់ម្លេសថាខ្ញុំកូន១ សម្តីសំដៅអ៊ីចឹង បើគេប្តឹងកុំថាគេមួយម៉ាត់ប្តឹងៗ បើអ្នកឯងអត់ដកពាក្យហ្នឹងចេញឬសុំទោសខ្ញុំ ត្រៀមទៅ រិះគន់អ្វីខ្ញុំទ្រាំបាន តែពាក្យនេះបំភ្លៃការពិត ប៉ះពាល់កិត្តិយសខ្ញុំ»។

ភ្លាមៗក្រោយពីការព្រមានរបស់ ស៊ូ ស៊ីរីកា គេឃើញម្ចាស់គណនីហ្វេសប៊ុករូបនោះក៏បានចេញមុខសុំទោស និងបានដកពាក្យដែលខ្លួនបានសរសេរខមិននោះចោលវិញ។ ក្នុងនោះក៏បានសរសេរសារថា «សុំទោសផងបងស្រីដោយខ្ញុំបានចូលខមិនលេងដែលប្រើពាក្យពេចន៍មិនសមចូលក្នុងខមិនសុំបងអាស្រ័យផងបងស្រី ស៊ូ ស៊ីរីកា ។

ជាការឆ្លើយតបចំពោះការសុំទោសនេះតារាចម្រៀង ស៊ូ ស៊ីរីកាក៏បានតបតវិញដូច្នេះថា «ខ្ញុំលើកលែងឱ្យម្តងចុះ អ្នកណាក៏ដោយបើគិតថាបំផ្លាញកិត្តិយសខ្ញុំទៀត ខ្ញុំលែងមានមេត្តាធម៌ហើយ ពាក្យថា តារា មិនមែនត្រូវទ្រាំគ្រប់យ៉ាងទេ ពាក្យណាខ្ញុំអាចទប់បាន ពាក្យនេះមិនមែនលែងសើចបានទេហើយបើនិយាយពីចិត្តធ្ងន់ខ្ញុំធ្ងន់មកយូរហើយ »៕

អត្ថបទ៖ ចាន់រ៉ា