ព័ត៌មានជាតិ
កម្ពុជា រៀបចំវេទិកាភ្នំពេញលើកទី១ ដើម្បីដោះស្រាយបញ្ហាប្រឈមនានាជាមួយភាគីពាក់ព័ន្ធ
នៅថ្ងៃទី០៧ ខែកញ្ញា ឆ្នាំ២០២២ រាជបណ្ឌិត្យកម្ពុជា បានរៀបចំនូវវេទិកាភ្នំពេញលើកទី១ ជាមួយធនាគារខួរក្បាល អង្គការមិនមែនរដ្ឋាភិបាល និងប្រព័ន្ធផ្សព្វផ្សាយថ្មី ដើម្បីដោះស្រាយបញ្ហាប្រឈមទាំងអស់គ្នា។ វេទិកានេះ ធ្វើឡើងក្នុងគោលបំណង៤ ព្រមទាំង មានប្រទេសក្នុងតំបន់អាស៊ីអាគ្នេយ៍ចូលរួមសម្ពោធបើកវេទិកាលើកទី១នេះ មានដូចជា ឥណ្ឌូនេស៊ី ឡាវ ម៉ាឡេស៊ី និងវៀតណាម ព្រមទាំងអង្គការក្រៅរដ្ឋាភិបាល និងភាគីពាក់ព័ន្ធផ្សេងទៀត។
វេទិកានេះ ធ្វើឡើងជាលើកទី១ ដែលផ្តួចផ្តើមដោយរាជ្យបណ្ឌិត្យសភាកម្ពុជា ក្រោមកិច្ចសហការជាមួយដៃគូចំនួន១៥ រួមទាំងរដ្ឋាភិបាល អង្គការក្រៅរដ្ឋាភិបាល ប្រព័ន្ធផ្សព្វផ្សាយនានា និងភាគីពាក់ព័ន្ធផ្សេងទៀត ទាំងក្នុងស្រុក និងក្រៅស្រុក ក៏ដូចជាប្រទេសពាក់ព័ន្ធផ្សេងទៀត។ ការផ្តួចផ្តើមឱ្យមាននូវវេទិកានេះឡើង គឺដើម្បីប្រមូលផ្តុំទាំងភាគីរដ្ឋាភិបាល អង្គការក្រៅរដ្ឋាភិបាល ប្រព័ន្ធផ្សព្វផ្សាយ ផ្នែកស្រាវជ្រាវក្នុងវិស័យឯកជន ឬ ស្ថាប័នផ្សេងៗទៀត មកធ្វើការរួមគ្នា ដើម្បីដោះស្រាយនូវបញ្ហា ព្រមទាំង ពង្រឹងតម្លាភាពជាមួយគ្នា។
ទន្ទឹមគ្នានោះ វេទិកានេះ នឹងផ្តល់ឱកាសឱ្យមានការប្រឹក្សាយោបល់ដោយបើកចំហ ត្រង់ទៅត្រង់មករវាងរដ្ឋាភិបាល ព្រមទាំងភាគីពាក់ព័ន្ធទាំងអស់ ដើម្បីទទួលបានដំណោះស្រាយរួមមួយដែលពួកគេជួបប្រទះ។ មិនតែប៉ុណ្ណោះ ក៏បានលើក កម្ពស់សមត្ថភាពរបស់រដ្ឋាភិបាលចំពោះការឆ្លើយតបទៅនឹងតម្រូវការថ្មីរបស់ភាគីពាក់ព័ន្ធគ្រប់រូប និងដើម្បីឱ្យមានការចូលរួមពីសាធារណជនកាន់តែបើកចំហរ និងទូលំទូលាយឡើង។
អគ្គលេខាធិការនៃរាជបណ្ឌិត្យសភាកម្ពុជា លោកបណ្ឌិត យង់ ពៅ បានថ្លែងថា វេទិកាភ្នំពេញលើកទី១នេះ គឺជាវេទិកាមួយដែលមានតម្លៃក្នុងការជជែកវែកញែកទៅពេលអនាគត។ វេទិកានេះ គួរក្លាយជារចនាសម្ព័ន្ធនៃកិច្ចពិភាក្សាដ៏សំខាន់មួយសម្រាប់ពេលអនាគត ទៅលើបញ្ហាផ្សេងៗ ដែលជួបប្រទះ។ ម្យ៉ាងទៀត គឺចៀសវាងការបង្កើតរួច មិនបានធ្វើអ្វីសោះ នោះ នឹងធ្វើឱ្យមានការខាតបង់ចំពោះប្រទេសកម្ពុជា។
លោកបានបន្ថែមថា តួអង្គ៣រូប ដែលសំខាន់ក្នុងការទ្រទ្រង់វឌ្ឍនភាពក្នុងការអភិវឌ្ឍសង្គមដ៏ល្អសម្រាប់កិច្ចពិភាក្សានាពេលអនាគត។ តួអង្គទាំង៣នេះ រួមមាន ភាគីធនាគារខួរក្បាល ភាគីអង្គការក្រៅរដ្ឋាភិបាល និងបណ្តាញសារព័ត៌មាន។ តួអង្គទាំង៣នេះ សុទ្ធតែមានសារសំខាន់ និងឥទ្ធិពលក្នុងពិភពលោក ដែលអាចធ្វើការជាមួយគ្នា ឆ្ពោះទៅនិរន្តរភាពនៃពីភពលោក។
គួរបញ្ជាក់ថា វេទិកាភ្នំពេញ នឹងធ្វើឡើងជារៀងរាល់ឆ្នាំ។ លោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជានៃរាជបណ្ឌិត្យសភាកម្ពុជា បានលើកឡើងថា ដើម្បីរក្សានិរន្តរភាពនៃវេទិកាភ្នំពេញសម្រាប់ឆ្នាំ២០២៣ កម្ពុជាដាក់ចេញនូវអទិភាពរួម៣។ ទី១ ផ្តោតលើកិច្ចសហប្រតិបត្តិការ និងការអភិវឌ្ឍតំបន់មេគង្គ ទី២ ការផ្សព្វផ្សាយពាក់ព័ន្ធនឹង សក្តានុពលការអភិវឌ្ឍ និងនិរន្តរភាពនៃតំបន់មេគង្គ និងទី៣ កម្មវិធីអភិវឌ្ឍអ្នកសារព័ត៌មាន នៅតំបន់មេគង្គ៕
ដោយ៖ អុន ស្រីមាន
-
ជីវិតកម្សាន្ដ៤ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៧ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៤ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៧ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ៧ ថ្ងៃ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ