ព័ត៌មានអន្ដរជាតិ
បាងកក នឹងប្រកាសទីតាំងលិចលង់ដោយទឹកជំនន់ជាតំបន់គ្រោះមហន្តរាយ
អភិបាលក្រុងបាងកកលោក Chadchart Sittupunt គ្រោងនឹងប្រកាសតំបន់មួយចំនួននៅក្នុងរដ្ឋធានីដែលរងគ្រោះដោយទឹកជំនន់ធ្ងន់ធ្ងរជា តំបន់គ្រោះមហន្តរាយ និងផ្តល់សំណងដល់ជនរងគ្រោះផងដែរ ខណៈខេត្តមួយចំនួនក្នុងប្រទេសថៃ ដូចជា អយុធ្យា (Ayutthaya) និងសុរិន្ទ (Surin) ត្រូវបានប្រកាសជាតំបន់គ្រោះមហន្តរាយរួចហើយ ។
អភិបាលក្រុងវ័យ ៥៦ ឆ្នាំរូបនេះបានប្រាប់ទៅកាន់ប្រព័ន្ធផ្សព្វផ្សាយថា គម្រោងប្រកាសនេះកើតឡើង បន្ទាប់ពីសង្កាត់មួយចំនួននៅក្នុងទីក្រុងបាងកកនៅតែស្ថិតនៅក្រោមទឹក ដោយសារទឹកជំនន់ ខណៈមន្ត្រីពាក់ព័ន្ធកំពុងពិចារណាប្រកាសតំបន់ទាំងនោះជាតំបន់គ្រោះមហន្តរាយ ដើម្បីផ្ដល់សំណងដល់ជនរងគ្រោះ។
លោក Chadchart បាននិយាយថា រដ្ឋបាលក្រុងបាងកក (BMA) រួមជាមួយនាយកដ្ឋានបង្ការ និងកាត់បន្ថយគ្រោះមហន្តរាយ គឺជាអ្នកទទួលខុសត្រូវលើការទូទាត់សំណងនេះ ។ ប្រសិនបើតំបន់ទាំងនោះស្ថិតក្នុងតំបន់គ្រោះមហន្តរាយ ថវិកាកណ្តាលរបស់រដ្ឋាភិបាលក៏នឹងទៅដល់ជនរងគ្រោះដែរ ហើយសំណងនឹងត្រូវផ្ដល់ទៅតាមការខូចខាតសម្រាប់គ្រួសារនីមួយៗ ។
ខេត្តសុរិន្ទនៅភាគឦសាននៃប្រទេសថៃបានប្រកាសជាតំបន់គ្រោះមហន្តរាយក្នុងស្រុកចំនួន ៤ កាលពីថ្ងៃពុធ ។ កម្រិតទឹកជំនន់ត្រូវបានគេរាយការណ៍ថាមានការកើនឡើង ហើយគ្រួសារជាង ២,៥០០ កំពុងរងផលប៉ះពាល់ ។
ចំណែកខេត្តអាយុធ្យានៅភាគកណ្តាលនៃប្រទេសបានប្រកាសស្រុកចំនួន ៦ ជាតំបន់គ្រោះមហន្តរាយកាលពីថ្ងៃពុធដូចគ្នា ។ ប្រជាពលរដ្ឋបានរងគ្រោះ ដោយសារទឹកជំនន់រយៈពេល ១ ខែមកហើយ ខណៈកម្ពស់ទឹកនៅតែបន្តសញ្ញាកើនឡើង ៕
ប្រែសម្រួលដោយ ៖ ជីវ័ន្ត
ប្រភព ៖ Thaiger
-
ព័ត៌មានជាតិ១ ថ្ងៃ ago
មន្ត្រីជំនាញមកពីគ្រប់ស្ថាប័ន ចុះពិនិត្យមើលគល់ស្ពានព្រះមុនីវង្សថ្មីមានស្នាមជ្រុះបេតុង
-
ព័ត៌មានអន្ដរជាតិ៥ ថ្ងៃ ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត
-
ព័ត៌មានជាតិ៦ ថ្ងៃ ago
លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
សន្តិសុខសង្គម៤ ថ្ងៃ ago
អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
-
សេចក្ដីជូនដំណឹង១ សប្តាហ៍ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
កីឡា៥ ថ្ងៃ ago
អបអរសាទរ! វិសាខា ឈ្នះជើងឯក WSVI ក្រោយបំបាក់ម្ចាស់ផ្ទះ Win Streak ៣-១
-
កីឡា១ សប្តាហ៍ ago
ស្ថាបនិក KSF ផ្តល់តម្លៃ ឈឿង ល្វៃ ខ្ពស់បំផុតសម្រាប់កំណត់ត្រាជូនជាតិ
-
ព័ត៌មានជាតិ៤ ថ្ងៃ ago
ក្រុមហ៊ុនជប៉ុន MIRARTH Green Tech នឹងសម្ពោធរោងចក្រកែច្នៃគ្រាប់ស្វាយចន្ទីនៅខេត្តកំពង់ធំ នាថ្ងៃស្អែក