នាយករដ្ឋមន្ត្រី ជប៉ុន តែងតាំងកូនប្រុសច្បងជាជំនួយការជាន់ខ្ពស់

នាយករដ្ឋមន្ត្រីជប៉ុនលោក Fumio Kishida បានតែងតាំងកូនប្រុសច្បងរបស់គាត់ជាជំនួយការជាន់ខ្ពស់ ដែលជំរុញឲ្យប្រព័ន្ធផ្សព្វផ្សាយមានការរំពឹងទុកថា បុរសវ័យ ៣១ ឆ្នាំរូបនេះកំពុងរៀបចំខ្លួនស្នងតំណែងពីឪពុករបស់គាត់នៅក្នុងឆាកនយោបាយ ។

អ្នកនាំពាក្យរដ្ឋាភិបាលលោក Hirokazu Matsuno បាននិយាយថា លោក Shotaro ដែលជាកូនប្រុសច្បងក្នុងចំណោមកូនប្រុសទាំង ៣ របស់លោក Kishida ត្រូវបានតែងតាំងជាលេខាធិការប្រតិបត្តិរបស់នាយករដ្ឋមន្ត្រី ។

អ្នកនាំពាក្យបានប្រកាសទៀតថា “ការតែងតាំងនេះគឺជាការដាក់មនុស្សត្រឹមត្រូវនៅក្នុងតួនាទីត្រឹមត្រូវ ជាពិសេសផ្អែកលើចរិតលក្ខណៈ និងជំនាញរបស់គាត់ ហើយខ្ញុំជឿថា ការតែងតាំនេះគឺមិនខុសនោះទេ” ។

លោក Matsuno បញ្ជាក់បន្ថែមថា “លោក Shotaro នឹងដើរតាមនាយករដ្ឋមន្ត្រីទៅគ្រប់ទីកន្លែង រួមទាំងការធ្វើដំណើរទៅក្រៅប្រទេសដើម្បីជួបមេដឹកនាំពិភពលោក ក៏ដូចជាការចរចាពាក់ព័ន្ធនឹងនយោបាយជាដើម” ។

គួរបញ្ជក់ថា មុនពេលចូលរួមការិយាល័យនាយករដ្ឋមន្ត្រីរបស់ឪពុក, លោក Shotaro បានធ្វើការនៅក្រុមហ៊ុនពាណិជ្ជកម្មដ៏ធំមួយ ហើយក្រោយមកលោកបានក្លាយជាលេខាធិការប្រតិបត្តិម្នាក់ក្នុងចំណោមលេខាធិការប្រតិបត្តិទាំង ៨ រួមទាំងការិយាធិបតេយ្យការងារចំនួន ៦ ដែលកំពុងធ្វើការឲ្យលោក Kishida ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Japan Times

ចុចអាន ៖ ប្រជាជន ជប៉ុន ឆោឡោរត់រកកន្លែងលាក់ខ្លួន បន្ទាប់ពីកូរ៉េខាងជើង បាញ់មីស៊ីល រំលងប្រទេស (មានវីដេអូ)