សុខ ពិសី ថា រឿងខ្លះបើអ្នកកាន់តែនិយាយគឺអ្នកកាន់តែខុស

ខណ:ដែលកំពូលតារាចម្រៀង សុខ ពិសី កំពុងជោគលើវិថីសិល្ប: និងមុខជំនួញជារឿយៗគេឃើញតារាស្រីរូបនេះតែចេញសារដាស់តឿនចំពោះអ្នកគាំទ្រដូចគ្នា។ ជាក់ស្តែងមុននេះ សុខ ពិសី បានចេញខ្លឹមសារថ្មីថែមទៀតហាក់មានចេតនាបំផុសដល់អ្នកនៅជុំវិញខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្លឹមសារដែលតារាចម្រៀងស្រីសំនៀងស្រទន់ សុខ ពិសី បង្ហោះនៅលើបណ្តាញសង្គមតែងទទួលបានការគាំទ្រពីទស្សនិកជន និងប្រើប្រាស់បណ្តាញជាច្រើន។ ម្យ៉ាងទៀតរាល់អត្ថន័យដែលបានលើឡើងទាំងនោះទៀតសោធន៍សុទ្ធសឹងតែការបង្ហាញអំពីអត្ថន័យល្អៗ ដែលផ្តល់ប្រយោជន៍ចំពោះអ្នកគាំទ្រក៏ដូចជាខ្លួននាងផ្ទាល់។

តួយ៉ាងតារាចម្រៀងស្រី សុខ ពិសី បានបញ្ចេញទស្សន:ទៅកានអ្នកគាំទ្រថា រឿងខ្លះបើអ្នកកាន់តែនិយាយគឺអ្នកកាន់តែខុស បើគេអស់ចិត្តហើយទោះអ្នកខំពន្យល់ទាល់តែអ្នកដាច់ខ្យល់ទៀតក៏គេស្ដាប់មិនចូលដែរ បើដោះលែងគេហើយកុំភ្លេចដោះលែងខ្លួនឯងផងណា។

កញ្ញា សុខពិសី មកទល់បច្ចុប្បន្នត្រូវបានគេចាត់ទុកថា នាងជាកំពូលតារាចម្រៀងសំនៀងផ្អែមដែលរក្សាបានការគាំទ្រនិងមានប្រជាប្រិយភាពមិនចេះថមថយ។ ម្យ៉ាងទៀត ពិសី ថ្វីត្បិតនាងមានវ័យកាន់តែជ្រេបន្តិចមែន ប៉ុន្តែគេនៅគិតថាកញ្ញា សុខ ពិសី ជារាជនីយសម្រស់ដែលស្រស់ស្អាតខ្លាំង។

ដោយសារហេតុផលនេះហើយទើបបានអ្នកគាំទ្រយល់ឃើញថានេះជាជោគជ័យដ៏ធំរបស់តារាស្រីកញ្ញា សុខ ពិសី​ បន្ថែមទៀតទាំងរូបសម្ផស្ស អាជីពសិល្ប: និងមុខជំនួញរបស់នាងនាពេលបច្ចុប្បន្ន។ លើសពីនេះ ពិសី ក៏នៅតែរក្សាបានសន្ទុះនៃការគាំនទ្រ និងមានទីផ្សាចម្រៀងខ្លាំងមិនចាញ់មិត្តភក្តិរួមជំនាន់ឡើយ៕

អត្ថបទ៖ ចាន់រ៉ា