សុខ ពិសី បន្តទទួលការងារច្រៀងតាម Pub ដើម្បីមានលទ្ធភាពបន្តរួមចំណែកទ្រទ្រង់ដល់វីរកងទ័ពកម្ពុជា

តារាចម្រៀងសំនៀងមនោសញ្ចេតនាកញ្ញា សុខ ពិសី មិនខុសពីសិល្បករសិល្បការិនីឯទៀតទេ ខណ:ប្រទេសជាតិបាននឹងកំពុងជួបសង្គ្រាមឈ្លានពានរបស់យោធាសៀម កញ្ញាបានចេញមុខស្វះស្វែងរកជំនួយ និងបានចំណាយថវិកាផ្ទាល់ខ្លួនដើម្បីរៀបចំស្បៀងអាហារជូនដក់វីរ:កងទ័ពនិងជនភៀសសឹក។

ក្រោយទទួលបានមតិយោបល់ពីអ្នកគាំទ្រឱ្យបន្តកិច្ចការច្រៀងតាមផាប់ ដើម្បីអាចមានលទ្ធភាពបន្តរួមចំណែកទ្រទ្រង់ដល់វីរកងទ័ពនោះ តារាចម្រៀង សុខ ពិសី ក៏បានសម្រេចបែបនេះថាជួយជាតិផងធ្វើការផង ខណៈត្រៀមបង្ហាញវត្តមាននៅថ្ងៃទី២៥ខែធ្នូឆ្នៃនៅ Ticktock បឹងកក់។

ជាមួយគ្នានោះលោកឆន សុណ្ណារាជ បានបញ្ចេញយោបល់ថា “ទទួលធ្វើការធម្មតាទៅប្អូន បងក៏ទទួលដែរ ដើម្បីសេដ្ឋកិច្ចជាតិនឹងសេដ្ឋកិច្ចយើងដែរ យើងក៏ត្រូវការចំណូលដើម្បីជួយជាតិ និងក្រុមគ្រួសារដែរ យើងទាំងអស់គ្នាត្រូវរៀនរស់ជាមួយវា(ចំណូល)”៕ ដោយ ៖ ចាន់រ៉ា