ព័ត៌មានជាតិ
លើកដំបូងកម្ពុជារកឃើញផូស៊ីលដាយណូស័រមានអាយុរាប់លានឆ្នាំកប់ជាប់នឹងថ្ម
លោក នេត ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថានបានឲ្យដឹងថា ផូស៊ីលឆ្អឹងដាយណូស័រត្រូវបានរកឃើញនៅដំណាច់ឆ្នាំ ២០២១ ដោយមន្ត្រីជំនាញក្រសួងបរិស្ថាន ស្ថិតនៅតំបន់ការពារធម្មជាតិកោះប៉ោជាប់ដែនជម្រកសត្វព្រៃតាតៃ ក្នុងឃុំបាក់ខ្លង ស្រុកមណ្ឌលសីម៉ា ខេត្តកោះកុង។
លោក នេត ភក្ត្រា ប្រាប់ថា ក្រសួងបរិស្ថានផ្សព្វផ្សាយនៅពេលនេះក្រោយពេលដែលមានការបញ្ជាក់ថា ផូស៊ីលនេះគឺពិតជាផូស៊ីលដាយណូស័រមែន ហើយតាមអ្វីដែលក្រុមជំនាញបុរាណវិទ្យា នៃក្រសួងបរិស្ថានកំពុងសិក្សាទៅលើផូស៊ីលឆ្អឹងសត្វមួយប្រភេទនេះ ខណៈការសន្និដ្ឋានបឋមគឺអាចមានអាយុចន្លោះពី ៦៥ លាន ទៅ ១៩០ លានឆ្នាំមុន។
បើតាមលោក នេត ភក្ត្រា នេះជាឆ្អឹងផូស៊ីលលើកដំបូងហើយដែលក្រុមស្រាវជ្រាវខាងបរិស្ថានបានរកឃើញនៅក្នុងប្រទេសកម្ពុជា ខណៈឆ្អឹងនេះនៅកប់ជាប់នឹងថ្មដែលមានប្រវែង ៧០ សង់ទីម៉ែត្រ ទំហំ ២០ សង់ទីម៉ែត្រ។
ទោះជាយ៉ាងណា មន្ត្រីជំនាញ នឹងធ្វើការសិក្សាបន្ថែមទៀតជាមួយមន្ត្រីជំនាញអន្តរជាតិដែលគ្រោងនឹងចុះទៅនៅខែវិច្ឆិកាខាងមុខ ខណៈឆ្អឹងនេះស្ថិតនៅស្រទាប់ថ្មក្រោម បើប្រៀបធៀបទៅនឹងកោះ និងភ្នំដែលនៅជាប់នោះ គឺវាស្ថិតនៅក្រោមប្រហែល ៣០ ម៉ែត្រ ទៅ ៤០ ម៉ែត្រ៕
អត្ថបទ៖ ឡេង ដេត
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ