អ្នកវិទ្យាសាស្ត្រអាហ្សង់ទីនរកឃើញផូស៊ីលដាយណូស័រកវែងម្ដងទៀតហើយ

បាសាណិភូតវិទូមកពីអាហ្សង់ទីនបានរកឃើញបំណែកផូស៊ីលដាយណូស័រកវែងដ៏ធំមួយ ស្ថិតនៅតំបន់ Patagonia នៃអាមេរិកខាងត្បូង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមពិតផូស៊ីលខាងលើធ្លាប់ត្រូវគេរកឃើញម្ដងហើយដោយអ្នកវិទ្យាសាស្ត្រក្នុងឆ្នាំ ២០១៨ ប៉ុន្តែឆ្អឹងរបស់វាធំពេកបណ្ដាលឲ្យឡានក្រឡាប់ ។ យ៉ាងណាមិញ ផូស៊ីលដាយណូស័រស៊ីបន្លែនេះមិនមានរងការខូចខាតឡើយមកទល់បច្ចុប្បន្ន ។

បាសាណិភូតវិទូ Nicolas Chimento មានប្រសាសន៍ថា ឈ្មោះដែលអ្នកវិទ្យាសាស្ត្រដាក់ឲ្យដាយណូស័រគឺ “Chucarosaurus Diripienda” មានន័យថារឹងមាំនិងច្របល់គ្នា ព្រោះវាមិនបាក់បែកទោះបីរមៀលធ្លាក់ពីលើឡានកាលពីឆ្នាំ ២០១៨ ប៉ុន្មានត្រឡប់ក៏ដោយ ។

បើយោងតាមការប៉ាន់ស្មាន Chucarosaurus គឺជាពូជដាយណូស័រធំបំផុតដែលធ្លាប់រកឃើញនៅក្នុងភ្នំខេត្ត Rio Negro វាមានទម្ងន់ ៥០ តោន និងកម្ពស់ដល់ទៅ ៣០ ម៉ែត្រឯណោះ ។ ចំណែកឯឆ្អឹងភ្លៅរបស់វាដែលទើបនឹងរកឃើញវិញ គឺបែកជា ៣ បំណែក ក្នុងមួយបំណែកមានទម្ងន់ជាង ១០០ គីឡូក្រាម ជាពិសេសតម្រូវឲ្យមនុស្សយ៉ាងតិច ៣ នាក់លើកបានរួច ៕

ប្រភព ៖ Reuters

ចុចអាន ៖ គ្រោងឆ្អឹងដាយណូស័រ T-Rex ដេញថ្លៃជាង ៦ លានដុល្លារ នៅប្រទេសស្វីស