ក្រៅពីជាព្រះមហាក្សត្រ ព្រះចៅស៊ុលតង់ ព្រុយណេ ទ្រង់កាន់តំណែងធំៗ ៤ ផ្សេងទៀត

ក្រៅពីជាព្រះមហាក្សត្រនៃប្រទេសព្រុយណេនោះ, ព្រះចៅស៊ុលតង់ Haji Hassanal Bolkiah Muizzaddin Waddaulah ទ្រង់ក៏កាន់កាប់តំណែងធំៗចំនួន ៤ ផ្សេងទៀតផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់តាំងពីឡើងគ្រងរាជបល្ល័ងកាលពីថ្ងៃទី៥ ខែតុលា ឆ្នាំ ១៩៦៧ រហូតមកដល់បច្ចុប្បន្ន ព្រះចៅស៊ុលតង់ Hassanal Bolkiah ទ្រង់ក៏កាន់កាប់ព្រះរាជ្យកិច្ចដូចជា នាយករដ្ឋមន្ត្រី, រដ្ឋមន្ត្រីការបរទេស, រដ្ឋមន្ត្រីហិរញ្ញវត្ថុ និងជារដ្ឋមន្ត្រីក្រសួងការពារជាតិផងដែរ ។

ព្រះអង្គបានក្លាយជានាយករដ្ឋមន្ត្រីប្រទេសព្រុយណេកាលពីថ្ងៃទី១ ខែមករា ឆ្នាំ ១៩៨៤ ហើយទ្រង់បានកាន់កាប់តំណែងមួយនេះរហូតមកដល់បច្ចុប្បន្ន ហើយទ្រង់ក៏មានការសាទរ ក៏ដូចជាមានការពេញចិត្តពីប្រជាជនព្រុយណេផងដែរ ។

ចំណែកតំណែងរដ្ឋមន្ត្រីការបរទេសវិញ ព្រះចៅស៊ុលតង់ Hassanal Bolkiah ទ្រង់យាងឡើងកាន់ព្រះរាជ្យកិច្ចមួយនេះ ជំនួសព្រះអង្គ Mohamed Bolkiah ដែលជាបុត្រាទី ២ របស់ស្ដេចស៊ុលតង់ Oma Ali Saifudden III នៅថ្ងៃទី២២ ខែតុលា ឆ្នាំ២០១៥ និងបន្តរហូតដល់បច្ចុប្បន្ននេះ ។

បន្ថែមពីនេះ ព្រះចៅស៊ុលតង់ Hassanal Bolkiah ទ្រង់ក៏ជារដ្ឋមន្ត្រីហិរញ្ញវត្ថុផងដែរ ។ ព្រះអង្គកាន់កាប់តំណែងមួយនេះកាលពីថ្ងៃទី២៣ ខែកុម្ភៈ ឆ្នាំ ១៩៩៧ ជំនួសព្រះរាមបងរបស់ទ្រង់ គឺព្រះអង្គ Jefri Bolkiah ហើយទ្រង់បានបន្តដឹកនាំរហូតដល់បច្ចុប្បន្ន ។

តំណែងចុងក្រោយនោះគឺ ទ្រង់ជារដ្ឋមន្ត្រីក្រសួងការពារជាតិ ។ ព្រះអង្គជាអគ្គមេបញ្ជាការនៃកងកម្លាំងព្រុយណេ ចាប់ពីថ្ងៃទី៧ ខែកញ្ញា ឆ្នាំ១៩៨៦ ។ តំណែងមួយនេះ ព្រះចៅស៊ុលតង់ Hassanal Bolkiah ទ្រង់យាងឡើងកាន់ជំនួសស្ដេចស៊ុលតង់ Oma Ali Saifudden III ៕

ប្រែសម្រួលដោយ ៖ ជីវ័ន្ត

ប្រភព ៖ Wikipedia

ចុចអាន ៖ រថយន្តប្លាំងដាស់របស់លោក ចូ បៃដិន មិនមែនចាក់សាំងឡើយ