កីឡា
វិភាគជើងព័រទុយហ្គាល់ ប៉ះ អ៊ុយរូហ្គាយ យប់នេះអាចគ្រាប់បាល់ ២-១
ក្រុមបាល់ទាត់ជម្រើសជាតិព័រទុយហ្គាល់កំពុងសម្លឹងឆ្ពោះទៅរកការទទួលបានជ័យជម្នះលើកទី២ក្នុងពូល H នៃជើងឯកពិភពលោក នៅពេលពួកគេត្រូវជួបអ៊ុយរូហ្គាយ វេលាម៉ោង២អធ្រាត្រយប់នេះ។
បើកឆាក ព័រទុយហ្គាល់ បាន៣ពិន្ទុពេញពីការឈ្នះជម្រើសជាតិហ្គាណា ដោយលទ្ធផល ៣-២ កំពុងឈរលេខ១ក្នុងពូល ស្របពេលអ៊ុយរូហ្គាយ បាន១ពិន្ទុពីការស្មើជម្រើសជាតិខាងត្បូង ០-០ ហើយអ៊ុយរូហ្គាយ កំពុងត្រូវការជ័យជម្នះចាំបាច់ដើម្បីឱកាសទៅវគ្គបន្ត។
ព័ត៌មានកីឡាករ
ខ្សែការពាររបស់ព័រទុយហ្គាល់ Nuno Mendes កំពុងមានបញ្ហាសាច់ដុំដែលអាចនឹងខកខានក្នុងការបង្ហាញខ្លួនយប់នេះ។ ខ្សែបម្រើ Otavio ត្រូវបានប្តូរចេញនៅពេលប្រកួតជាមួយហ្គាណាដោយសារមានបញ្ហារបួសសរសៃពួរ។
ខ្សែការពាររបស់អ៊ុយរូហ្គាយ Ronaldo Araujo ក៏មិនទាន់ច្បាស់ក្នុងការបង្ហាញខ្លួនបានដែរ ពីព្រោះមានបញ្ហាវះកាត់ភ្លៅ ទោះបីយ៉ាងណាគាត់ត្រូវបានដាក់បញ្ចូលឈ្មោះក្នុងបញ្ជីពេលប្រកួតជាមួយកូរ៉េខាងត្បូង។
៥ប្រកួតចុងក្រោយ
៥ប្រកួតចុងក្រោយគ្រប់កម្មវិធីទាំងអស់ ព័រទុយហ្គាល់ ឈ្នះ៣ប្រកួត និងចាញ់២ប្រកួត ខណៈ អ៊ុយរូហ្គាយ ឈ្នះ២ ស្មើ២ និងចាញ់១។
កីឡាករបង្កើតឱកាស
- Bruno Fernandes៖ ខ្សែបម្រើរបស់ព័រទុយហ្គាល់កពីក្លឹបបិសាចក្រហមបង្ហាញខ្លួនបានល្អនៅពេលឈ្នះហ្គាណា ៣-២។ ថ្វីបើរកគ្រាប់បាល់មិនបាន តែរូបគេបង្កើតឱកាសរកគ្រាប់បាល់២ពីរ (assist)។ យប់នេះច្បាស់ណាស់ រូបគេនឹងក្លាយជាអ្នកបម្រើដ៏ល្អដល់តំបន់ប្រយុទ្ធរបស់ព័រទុយហ្គាល់។
- Federico Valverde៖ បម្រើប្រយុទ្ធរូបនេះពិតជាមិនធម្មតាឡើយក្នុងរដូវកាលនេះនៅ Real Madrid តែងតែរកគ្រាប់បាល់បានរហូត។ រូបគេត្រូវបានចាត់ទុកជាកីឡាករដែលមានជំនាញស៊ុតច្បាស់ ថ្វីបើជាខ្សែបម្រើ។ ដូច្នេះព័រទុយហ្គាល់ត្រូវប្រយ័ត្នលើរូបគេខ្លាំងមែនទែន។
ប្រវត្តិជួបគ្នា
ក្រុមទាំងពីរមានប្រវត្តិជួបគ្នា៣ដងប៉ុណ្ណោះ ក្នុងនោះ ព័រទុយហ្គាល់ឈ្នះ១ អ៊ុយរូហ្គាយឈ្នះ១ និងស្មើគ្នា១។ ដូច្នេះយប់នេះជាការជួបគ្នាលើកទី៤។
១១នាក់ដំបូង
- ព័រទុយហ្គាល់ ទំនងជាប្រើទម្រង់ ៤-៣-៣ ជាមួយជម្រើស១១នាក់ដំបូង៖ Costa; Cancelo, Pereira, Dias, Guerreiro; Bernardo, Neves, Carvalho; Fernandes, Ronaldo និង Felix។
- អ៊ុយរូហ្គាយ ក៏ទំនងជាប្រើទម្រង់ ៤-៣-៣ ដែរជាមួយជម្រើស១១នាក់ដំបូង៖ Rochet; Caceres, Godin, Gimenez, Oliveira; Valverde, Bentancur, Vecino; Pellistri, Suarez និង Nunez។
គ្រាប់បាល់អាចកើតមានតិច
ក្រុមទាំងពីរល្អដូចគ្នាទាំងតំបន់ការពារ បម្រើ និងប្រយុទ្ធ ហើយការប្រកួតនឹងប្រយ័ត្នប្រយែងខ្លាំង។ ជាពិសេសគ្រាប់បាល់នឹងមិនកើតមានច្រើនឡើយ។ ព័រទុយហ្គាល់ អាចឈ្នះ អ៊ុយរូហ្គាយ ២-១៕
ប្រែសម្រួល៖ វីរបុត្រ
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៥ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន