សុខភាព

ឈឺក្បាលប្រកាំង អាចប្រើថ្នាំបំបាត់ការឈឺចាប់ធម្មតាបានទេ?

បានផុស

៣ years មុន

នៅ

ថ្ងៃអង្គារ ២៧ ធ្នូ ២០២២

ដោយ

ឈឺក្បាលប្រកាំង គឺជាប្រភេទនៃការឈឺក្បាល ហើយក៏មិនមែនជាជំងឺផ្លូវចិត្តឡើយ។ មន្ទីរពេទ្យជូឡាឡុងកននៅប្រទេសថៃ បានបញ្ជាក់ថា ភាពតានតឹងផ្លូវចិត្ត វាជាកត្តាមួយនៃការឈឺក្បាលប្រកាំង។ ប៉ុន្តែមានការរំញោចផ្សេងទៀតដែលអាចបណ្តាលឲ្យឈឺក្បាលប្រកាំង។

កត្តាដែលបង្កឲ្យមានការឈឺក្បាលប្រកាំង៖

គេងមិនលក់ គេងមិនគ្រប់គ្រាន់

ការប្រែប្រួលអាកាសធាតុ ដូចជាក្តៅខ្លាំង ត្រជាក់ សើម

ទទួលទានអាហារមួយចំនួនដូចជា សូកូឡា កាកាវ ប៉េងប៉ោះ

ក្លិនខ្លាំង

នៅក្នុងពន្លឺភ្លឺ ឬសម្លឹងមើលអេក្រង់ភ្លឺក្នុងរយៈពេលយូរ

ការផ្លាស់ប្តូរផ្លូវចិត្តដូចជាភាពតានតឹង ការថប់បារម្ភ

ស្ថិតនៅក្នុងតំបន់ដែលមានសំលេងរំខានខ្លាំង

បើអាចធ្វើបាន អ្នកជំងឺគួរតែសង្កេតខ្លួនឯង អ្វីទៅជាកត្តាបង្កឲ្យមានជំងឺប្រកាំង?

តើអាចលេបថ្នាំបំបាត់ការឈឺចាប់ធម្មតាបានទេ? ប្រសិនបើការឈឺចាប់មិនញឹកញាប់ខ្លាំង (ឧទាហរណ៍តិចជាង ១-២ ដងក្នុងមួយសប្តាហ៍) ថ្នាំបំបាត់ការឈឺចាប់អាចប្រើដោយខ្លួនឯងបាន។ ប៉ុន្តែគួរតែប្រើថ្នាំបំបាត់ការឈឺចាប់តាំងពីចាប់ផ្តើមមានរោគសញ្ញារាល់ពេល ប្រសិនបើទុកចោលយូរ ជារឿយៗមានលទ្ធផលមិនល្អ។ ទោះយ៉ាងណា ក្នុងនោះក៏មានថ្នាំឈឺក្បាលប្រកាំងដែលអាចបរិភោគបានដោយខ្លួនឯងដូចជា ប៉ារ៉ាសេតាមុល ថ្នាំប្រឆាំងនឹងការរលាកដែលមិនមែនជាស្តេរ៉ូអ៊ីដ (NSAIDs) ហើយគួរតែប្រយ័ត្ននឹងគារអាឡ័កស៊ីថ្នាំ។

ដោយឡែក ក្រុមខ្លាំងបំផុតនៃថ្នាំបំបាត់ការឈឺចាប់ ដូចជា ergotamine Triptans, tramadol មិនគួរទិញមកប្រើប្រាស់ផ្ទាល់ខ្លួនឯងទេ។ ដូច្នេះអ្នកគួរតែត្រូវបានប្រើក្រោមការត្រួតពិនិត្យរបស់គ្រូពេទ្យជំនាញ ទើបមិនមានបញ្ហា។ នៅពេលដែលការឈឺចាប់ញឹកញាប់លើសពី ១-២ ដងក្នុងមួយសប្ដាហ៍ សូមពិគ្រោះជាមួយវេជ្ជបណ្ឌិត ដើម្បីទទួលការព្យាបាលជាបន្តបន្ទាប់៕

ប្រែសម្រួល៖ សាង ស្រីល័ក្ខ

ចុចអាន៖អាហារ ៥ មុខ បង្កើនការឈឺក្បាលប្រកាំងកាន់តែធ្ងន់ធ្ងរ