ដើមឆ្នាំ ២០២៣ អ្នកកើតឆ្នាំ “ច” កាក់កបនឹងជំនួញ តែមានបញ្ហាជាមួយសុខភាព

ថ្ងៃនេះ កម្ពុជាថ្មី សូមនាំប្រិយមិត្តដែលមានឆ្នាំកំណើតក្នុងឆ្នាំ “ច” មកមើលហោរាសាស្ត្រខ្លួនឯង ដែលជាការទស្សន៍ទាយអំឡុងត្រីមាសទី១ (មករា-មីនា) ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជីព

ការងារជាច្រើនជំពូកនឹងចូលមកក្នុងពេលតែមួយ។ បើចេះបំបែកនូវរឿងសំខាន់ និងរឿងមិនសូវសំខាន់ អ្នកនឹងឆ្លងកាត់ពេលវេលាលំបាកបានយ៉ាងល្អ។ កុំចូលមាត់ជាមួយមិត្តរួមការងារដែលនិយម​ការ​និយាយ​ដើមអ្នកដទៃ ​ក្រែងកើតរឿងនៅកន្លែងធ្វើការ។

ជំនួញ

ការផ្លាស់ប្តូរជាវិជ្ជមានកំពុងចាប់ផ្តើមល្អឡើងហើយ។ រាល់អាជីវកម្ម នឹងក្លាយជាឱកាសដែលនាំឱ្យលុយកាក់ដុះដាល។

ហិរញ្ញវត្ថុ

ទោះបីអ្នករកស៊ី កាក់កបដុះដាលក្ដី ប៉ុន្តែចំពោះហិរញ្ញវត្ថុ មិនសូវជាល្អណាស់ណាទេ។ លុយកាក់ត្រូវទំនុកបម្រុងការ​ហូប​ចុកឱ្យ​គ្រប់គ្រាន់សិន សឹមគិតរឿងផ្សេង ពុំនោះទេ អ្នកនឹងជាប់បំណុល​វ័ណ្ឌកមិនខាន។

ស្នេហា

អ្នកនៅលីវ ងាយជួបមនុស្សយល់ចិត្ត ឯអ្នកមានគូនឹងមានអ្នកទី៣ជ្រៀតជ្រែកទំនាក់ទំនង។

សុខភាព

ស្ត្រេសងាយនឹងកើតណាស់ចំពោះអ្នក។ ដោយសារគិតច្រើនពេក អ្នកនឹងរងការប៉ះពាល់សុខភាព ជាពិសេសនឹងនាំឱ្យ​ឈឺ​ក្រពះ​យ៉ាងងាយ​​ផង​ដែរ។

បង្កើន​សំណាង​

ដើម្បីចៀសបាននូវសំណាងមិនល្អ ចូរធ្វើបុណ្យតាមលទ្ធភាព ហាម​ខ្ចី​លុយ​គេ​មកធ្វើបុណ្យ ​ក្រែងរឿងអាក្រក់កើតមកភ្លាមៗ មិនអាចដោះស្រាយទាន់៕

អត្ថបទ៖ សន្យា

ចុចអាន៖ ក្បួនតម្កល់វត្ថុស័ក្តិសិទ្ធិក្នុងគេហដ្ឋាន ពោរពេញដោយសិរីសួស្ដី