Connect with us

ព័ត៌មានជាតិ

បណ្ឌិត គិន ភា ចង្អុលប្រាប់ថា រុស្ស៊ី​ខាត​បង់ ៤ ចំណុច​ក្រោយបង្កសង្រ្គាមជាមួយអ៊ុយក្រែន

បានផុស

នៅ

លោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា បានលើកឡើងនូវផលប៉ះពាល់ ៤ចំណុចរបស់រុស្ស៊ីចំពោះការវាយលុកក្នុងប្រទេសអ៊ុយក្រែន។ ចំណុចខាតបង់ទាំង៤ចំណុចនេះ គឺទី១ ការបាត់បង់ទ័ព ទី២ រុស្ស៊ីបាត់បង់មិត្ត ទី៣ បញ្ហាសេដ្ឋកិច្ច និងទី៤ គឺភាពជាមហាអំណាចរបស់រុស្ស៊ី ក៏ត្រូវបានបាត់បង់ដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅលើចំណុចទី១ លោកបណ្ឌិត គិន ភា បានអះអាងថា អ្វីដែលរិស្ស៊ីបាត់បង់មុនគេ គឺកងទ័ព។ ទ័ពរុស្ស៊ី បានស្លាប់ជាច្រើន ទោះបីមិនមានការឯកភាពពីចំនួនស្លាប់នៃកងទ័ពរបស់ប្រទេសទាំងពីរ ប៉ុន្តែ ចំនួនដែលទ័ពរុស្ស៊ីស្លាប់នោះ គឺមិនតិចឡើយ។ ជាមួយគ្នានេះ ក៏ធ្វើឱ្យរុស្ស៊ីបាត់បង់នូវអាវុធ រថក្រោះ យន្តហោះ រថយន្តចម្បាំងរបស់ខ្លួនជាច្រើនផងដែរ។ លោកលើកឡើងបៀបនេះ ដោយផ្អែកតាមបទពិសោធដែលកម្ពុជាធ្លាប់ឆ្លងកាត់សង្គ្រាមស៊ីវិល បណ្តាលឱ្យស្លាប់មនុស្សជាច្រើនបង្កជាសោកនាដកម្មយ៉ាងធំសម្រាប់កម្ពុជា។

ចំណុចទី២ រុស្ស៊ីកំពុងតែបាត់បង់សម្ព័ន្ធមិត្តរបស់ខ្លួនជាបណ្តើរៗ សូម្បីតែកម្ពុជា ក៏មិនអាចបោះឆ្នោតគាំទ្រចំពោះទង្វើរបស់រុស្ស៊ីឡើយ។ កម្ពុជា បានបោះឆ្នោតស្របតាមអង្គការសហប្រជាជាតិ មិនគាំទ្រចំពោះការប្រើប្រាស់សង្គ្រាមទេ ហើយកម្ពុជា គាំទ្រលើការបញ្ចប់សង្គ្រាមដោយមានកិច្ចចរចារស្វែងរកសន្តិភាព។

រីឯទី៣ គឺផ្នែកសេដ្ឋកិច្ចរបស់រុស្ស៊ី ក៏មានបញ្ហាដែរ តាមរយៈការដាក់ទណ្ឌកម្មសេដ្ឋកិច្ចពីប្រទេសផ្សេងៗធ្វើឱ្យរុស្ស៊ីខាតបង់ច្រើន។ កាលដែលរុស្ស៊ីអាចឈរជើងបានមកដល់សព្វថ្ងៃ ព្រោះរុស្ស៊ីជាប្រទេសដែលនាំផលិតផលចេញ ច្រើនជាងនាំចូល។ ប៉ុន្តែ បើទោះបីជាយ៉ាងនេះ ក៏ប្រទេសនេះ ពិបាកនឹងធ្វើឱ្យសេដ្ឋកិច្ចខ្លួនងើបមកល្អឡើងវិញណាស់ តាម​រយៈ​សម្ពាធទណ្ឌកម្មសេដ្ឋកិច្ចពីលោកខាងលិចតែម្តង។ ចំណុចទី៤ចុងក្រោយ គឺទង្វើរបស់រុស្ស៊ីបែបនេះ នឹងធ្វើឱ្យឥទ្ធិពលដែលជាប្រទេសមហាអំណាចរបស់ខ្លួនត្រូវបានបាត់បង់ក្រោមប្រតិបត្តិការយោធាពិសេសរបស់ខ្លួននៅអ៊ុយក្រែន។ នេះ ក៏ព្រោះថា ប្រទេសរុស្ស៊ី ត្រូវបានគេចាត់ទុកថា ជាប្រទេសដែលរំលោភទៅលើច្បាប់សណ្តាប់ធ្នាប់ពិភពលោក។ នេះបើតាមការពន្យល់របស់លោកបណ្ឌិត គិន ភា ។

សូមបញ្ជាក់ថា សង្រ្គាមរវាងរុស្ស៊ី និងអ៊ុយក្រែន បានអូសបន្លាយពេលមកជិតមួយឆ្នាំហើយ ដោយភាគីទាំងពីរមិនព្រមជួបគ្នា ដើម្បីចចរចារស្វែងរកការបញ្ចប់ជម្លោះឡើយ ដែលធ្វើឱ្យខាតបង់យ៉ាងច្រើនទៅដល់ប្រទេសទាំង២។ រហូតមកដល់ពេលនេះ ប្រទេសរុស្ស៊ីនៅមិនទាន់ហៅជម្លោះនេះថា ជាសង្គ្រាមនោះឡើយ ដោយគ្រាន់តែហៅថា ជាការបើកប្រតិបត្តិការយោធាពិសេសតែប៉ុណ្ណោះ៕

ដោយ៖ អុន ស្រីមាន

Helistar Cambodia - Helicopter Charter Services
Sokimex Investment Group
ព័ត៌មានជាតិ៤ នាទីutes មុន

ផលិតផលធ្វើពីស្បែកប្រណីតបែបនវានុវត្តន៍ នឹងបង្ហាញជូនក្នុងព្រឹត្តិការណ៍លាតត្រដាងបទពិសោធន៍ថ្មីៗនៃរបៀបរស់នៅប្រកបដោយគុណភាព

ជីវិតកម្សាន្ដ៧ នាទីutes មុន

មហាជនទទូចឱ្យអ្នកមានឥទ្ធិពលលើ Media រួមគ្នាបញ្ចេញសារទៅកាន់ពិភពលោក ពីទង្វើកខ្វក់សៀម

កីឡា៩ នាទីutes មុន

នារី ជប៉ុន ប៉ះ ប្រេស៊ីល ខណៈ អ៊ីតាលី ប៉ះ ប៉ូឡូញ វគ្គ​ពាក់​កណ្តាល​ផ្តាច់​ព្រ័ត្រលីគ​បាល់ទះ​ពិភព​លោក VNL

ព័ត៌មានអន្ដរជាតិ៣៣ នាទីutes មុន

ថាក់ស៊ីន សម្លាប់រង្គាលអ្នកកាន់សាសនាឥស្លាម នៅភាគខាងត្បូងប្រទេសថៃក្នុងឆ្នាំ២០០៤  

ព័ត៌មានជាតិ៥៣ នាទីutes មុន

រដ្ឋមន្ត្រីសុខាភិបាល បញ្ជាឲ្យមន្ទីរពេទ្យថ្នាក់ជាតិចាត់ចែងក្រុមគ្រូពេទ្យ និងបរិក្ខារត្រៀមជួយ សង្គ្រោះនៅតំបន់កំពុងផ្ទុះអាវុធ

ព័ត៌មានអន្ដរជាតិ១៥ ម៉ោង មុន

ថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន

ព័ត៌មានអន្ដរជាតិ២១ ម៉ោង មុន

អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួន​ខំអត់ធ្មត់​ និងចាស់ទុំជាងគេទៅវិញ

ព័ត៌មានអន្ដរជាតិ១៨ ម៉ោង មុន

សារព័ត៌មានថៃសម្រុកផ្សាយពីភាពរងគ្រោះរបស់ខ្លួន ខណៈកងទ័ពថៃ​ជាអ្នកបង្កហេតុ​

ព័ត៌មានអន្ដរជាតិ១ ម៉ោង មុន

អាមេរិក អាចចាត់វិធានការលើថៃ បើរកឃើញថា ថៃ បំពានលក្ខខណ្ឌប្រើ F-16 វាយប្រហារកម្ពុជា

ព័ត៌មានអន្ដរជាតិ១៧ ម៉ោង មុន

​​សារ​ព័ត៌មានល្បីៗ​ផ្សាយ​ថា ថៃ​​​បើក​ការ​បាញ់​ប្រហារ​កម្ពុជា និង​ឆ្លងចូលទឹកដីកម្ពុជា​​

Sokha Hotels

ព័ត៌មានពេញនិយម