ហ្វាន ពីងពីង បណ្ដើរគូស្នេហ៍ជាសាធារណៈ ជាសេដ្ឋីវាល់លាន នៅក្នុងប្រទេសចិន

កាលពីកន្លងទៅ កំពូលតារាស្រី ហ្វាន ពីងពីង ​តែងតែព្យាយាមលាក់មុខគូស្នេហ៍ មិនឱ្យទស្សនិកជនដឹងឡើយថា នរណាជាគូស្នេហ៍ពិតប្រាកដរបស់នាង ដូច្នេះហើយទើបបានជាអ្នកគាំទ្រមួយចំនួនចេះតែផ្សំផ្គុំនឹងបុរសនេះឬបុរសនោះ រាល់ពេលដែលឃើញនាងស្និទ្ធស្នាលជាមួយ។

ប៉ុន្តែថ្មីៗនេះ សារព័ត៌មានចិនបានរាយការណ៍ថា រាជិនីសម្រស់ ហ្វាន ពីងពីង លែងលាក់មុខគូស្នេហ៍ទៀតហើយ ព្រោះនាងបានបង្ហាញសាធារណៈខ្លួនជាមួយមិត្តប្រុស ជាអ្នកជំនួញវាល់លានមួយរូប នៅឯតំបន់ទេសចរណ៍មួយក្នុងស្រុកកំណើតរបស់គាត់ នៅខេត្ត សានទុង (Shandong) ។

តាមរយៈរូបភាពដែលប្រមាញ់បានគេឃើញ ហា្វន ពីងពីង ស្លៀកសម្លៀកបំពាក់ដ៏ប្រណិត កាន់ដៃគូស្នេហ៍បណ្ដើរគ្នាដើរលេងនៅកន្លែងកម្សាន្តសាធារណៈមួយ។ ចំណេក​មិត្ត​ប្រុស​របស់​នាង​ ក៏មិន​ខ្លាច​ក្នុង​ការ​បង្ហាញ​ក្តី​ស្រឡាញ់ជាសាធារណៈ​ចំពោះ​នាងឡើយ។ មិនតែប៉ុណ្ណោះ តារាស្រីវ័យ ៤១ឆ្នាំរូបនេះ បានបង្ហោះរូបថតផ្អែមល្ហែម ជាមួយគូស្នេហ៍នៅលើបណ្ដាញសង្គមទៀតផង។

ថ្វីត្បិតកាយវិការរបស់ ហ្វាន ពីងពីង ហាក់ស្អិតរមួតគ្នាខ្លាំងជាមួយមិត្តប្រុសយ៉ាងណាក្ដី ប៉ុន្តែពួកគេមិនទាន់ទម្លាយពេលារៀបការនៅឡើយទេ។ យ៉ាងណាមិញ ជាមួយគ្នានេះ លេចឮពាក្យ​ចចាមអារ៉ាម​ថា ហ្វាន ពីងពីង បាន​រៀបការ​ដោយ​សម្ងាត់រួចហើយ ខណៈអ្នកខ្លះថា នាងសអាចនឹងមានដំណឹងល្អឆាប់ៗ ដោយសារគេឃើញ​ចិញ្ចៀនពេជ្រនៅលើដៃ​ឆ្វេងរបស់នាង៕

ប្រែសម្រួល៖ សន្យា

ចុចអាន៖ រឿង ‘The Idol’ របស់ Jennie នឹងចេញផ្សាយនៅពាក់កណ្ដាលឆ្នាំនេះ

ចុចអាន៖ ហ្វាន ពីងពីង នឹងវិលមកវិញក្នុងខ្សែភាពយន្តខ្នាតធំ ស្រលាញ់ភេទដូចគ្នា