Rihanna នឹងត្រលប់មកសម្ដែងម្ដងទៀត ក្នុងកម្មវិធី Oscars 2023

បន្ទាប់ពីការផ្ទុះការគាំទ្រសម្តែងនៅឯព្រឹត្តិការណ៍ Super Bowl និងដំណឹងមានផ្ទៃពោះ តារាចម្រៀង Rihanna នឹងត្រលប់មកជាមួយនឹងឆាកដ៏ធំម្តងទៀត នៅឯពិធីប្រគល់ពានរង្វាន់អូស្ការឆ្នាំ ២០២៣ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅព្រឹកនេះថ្ងៃទី ២៤ ខែ កុម្ភៈ អ្នករៀបចំកម្មវិធី Oscars 2023 បានបញ្ជាក់ពី Rihanna ថាជាសិល្បករមួយរូបដែលនឹងសម្តែងនៅក្នុងពិធីប្រគល់ពានរង្វាន់នៅឆ្នាំនេះ។ ដូច្នោះហើយ តារាចម្រៀងស្រីរូបនេះនឹងសម្តែងបទ “Lift Me Up” ក្នុងរឿងភាគល្បីប្រចាំឆ្នាំ Black Panther: Wakanda Forever ។

មិនត្រឹមតែចូលរួមជាអ្នកសម្តែងប៉ុណ្ណោះទេ Rihanna ឆ្នាំនេះក៏មកជាបេក្ខភាពដែលបទចម្រៀងនេះ ស្ថិតក្នុងបញ្ជីបេក្ខភាពសម្រាប់ប្រភេទចម្រៀងដើមល្អបំផុតប្រចាំឆាំ្ន។ នេះជាការគោរពដល់អតីត តារា Marvel លោក Chadwick Boseman ដែលបានលាចាកលោកពីជំងឺមហារីកពោះវៀនក្នុងខែ សីហា ឆ្នាំ ២០២០ ក្នុងអាយុ ៤៣ ឆ្នាំ។

នេះជាលើកដំបូងរបស់ Rihanna បានជាបេក្ខភាពដណ្តើមពាន់រង្វាន់ Oscar ក្នុងអាជីពរបស់នាងកន្លងមកតារាចម្រៀងស្រីរូបនេះបានឈ្នះពាន Grammy Awards ដ៏មានកិត្យានុភាពទាំង ៩ របស់នាង។ នេះក៏ជាដំណាក់កាលសម្ដែងលើកទីពីររបស់តារាចម្រៀងរូបនេះ ក្នុងឆ្នាំនេះ។ កាលពី ២ សប្តាហ៍មុន ទទួលបានការចាប់អារម្មណ៍ពីទស្សនិក ជនទូទាំងពិភពលោក បន្ទាប់ពីបានសម្តែងនៅ ក្នុងកម្មវិធី Super Bowl Halftime Show ។

យ៉ាងណាមិញ Rihanna កំពុងមានផ្ទៃពោះកូនទីពីរ ក៏ប៉ុន្តែការសម្តែងរបស់តារាចម្រៀងនៅក្នុងកម្មវិធី Oscars លើកទី ៩៥ នឹងត្រូវបានផ្សាយបន្តផ្ទាល់ពី Dolby Theatre នៅហូលីវូដ ទីក្រុង Los Angeles នៅថ្ងៃទី ១២ ខែ មីនា នាពេលខាងមុខនេះ ៕

ប្រែសម្រួល៖នាងតូច

ចុចអាន៖កូនស្រីរបស់ Johnny Depp បើកចំហអំពីជីវិតនៅកុមារភាពមិនធម្មតា