ព័ត៌មានជាតិ
លោក ហ៊ុន ម៉ានី ឲ្យប្រជាពលរដ្ឋការពារខ្លួនពីជំងឺកូវីដ ក្រោយពលករមកពីថៃមានអ្នកឆ្លងច្រើន
លោក ហ៊ុន ម៉ានី អ្នកតំណាងរាស្ត្រមណ្ឌល ខេត្តកំពង់ស្ពឺ និង ជាប្រធានសហភាពសហព័ន្ធយុវជនកម្ពុជា បានអំពាវនាវដល់បងប្អូនប្រជាពលរដ្ឋគ្រប់រូបមេត្តាបន្តការ ការពារខ្លួនកុំមានការធ្វេសប្រហែសនិងស្តាប់តាមការណែនាំរបស់ក្រសួងក៏ដូចជាអាជ្ញាធរមានសមត្ថកិច្ច។
ជាមួយនេះ លោកក៏បានអំពាវនាវដល់អាជ្ញាធរ មេត្តាបង្កើនការយកចិត្តទុកដាក់និងបន្តផ្សព្វផ្សាយដល់បងប្អូន នៅតាមមូលដ្ឋានពីហានិភ័យនិងវិធីការពារខ្លួន ពីការឆ្លងជំងឺកូវីដ១៩នេះ ដើម្បីបញ្ចៀសបានទាំងស្រុងនូវការឆ្លងរាលដាលក្នុងសហគមន៍។
លោក ហ៊ុន ម៉ានី បានធ្វើការអំពាវនាវនេះ នៅក្នុងផេកហ្វេសបុករបស់លោកនាថ្ងៃទី១៥ ខែមករានេះ។ លោកបានសរសេរថា៖«ដោយស្ថានភាពនៃការឆ្លងជំងឺកូវីដ ១៩ បាន បន្តកើនឡើងខ្ពស់ក្នុងចំណោមបងប្អូនពលករ ដែលធ្វើដំណើរត្រលប់មកពីប្រទេសថៃ តាមព្រំដែនគោក រាជរដ្ឋាភិបាលជាពិសេសក្រសួងសុខាភិបាល និងអាជ្ញាធរដែនដី បាននិងកំពុងខិតខំប្រឹងប្រែងគ្រប់គ្រងស្ថានការណ៍យ៉ាងម៉ឺងម៉ាត់ នៅតាមខ្សែបន្ទាត់ព្រំដែន ដើម្បីធានាថា បងប្អូនដែលបានចូលមក ត្រូវបានធ្វើតេស្តនិងធ្វើចត្តាឡីស័កត្រឹមត្រូវ»។
លោក ហ៊ុន ម៉ានី បានធ្វើការអំពាវនាវថា៖«ដើម្បីចូលរួមជាមួយកិច្ចខិតខំប្រឹងប្រែងនេះ ឲ្យបានទទួលជោគជ័យ ខ្ញុំសូមអំពាវនាវដល់បងប្អូនប្រជាពលរដ្ឋគ្រប់រូប មេត្តាបន្តការ ការពារខ្លួនកុំមានការធ្វេសប្រហែសនិងស្តាប់តាមការណែនាំរបស់ក្រសួង ក៏ដូចជាអាជ្ញាធរមានសមត្ថកិច្ច។ ជាមួយគ្នានេះដែរ ខ្ញុំក៏សូមអំពាវនាវដល់អាជ្ញាធរ មេត្តាបង្កើនការយកចិត្តទុកដាក់និងបន្តផ្សព្វផ្សាយដល់បងប្អូន នៅតាមមូលដ្ឋានពីហានិភ័យនិងវិធីការពារខ្លួនពីការឆ្លងជំងឺកូវីដ១៩នេះ ដើម្បីបញ្ចៀសបានទាំងស្រុងនូវការឆ្លងរាលដាលក្នុង សហគមន៍»។
ទាំងអស់គ្នារួមគ្នាយើងនឹងឆ្លងផុតគ្រាលំបាកនេះ! ៕
អត្ថបទ៖ ណារី
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ