កីឡា

ហេតុអ្វីបាល់ទាត់នារីឥណ្ឌូណេស៊ីដកខ្លួនពីស៊ីហ្គេម ២លើកជាប់គ្នា?

បានផុស

៣ years មុន

នៅ

ថ្ងៃសុក្រ ៧ មេសា ២០២៣

ដោយ

ក្រុមកីឡាការិនីបាល់ទាត់ជម្រើសជាតិឥណ្ឌូណេស៊ី បានដកខ្លួនចេញពីការប្រកួតកីឡាស៊ីហ្គេម លើកទី៣២ ប៉ុន្មានម៉ោង បន្ទាប់ពីការចាប់ឆ្នោតបែងចែកពូលរួច កាលពីថ្ងៃទី៥ ខែមេសា នៅរាជធានីភ្នំពេញ ប្រទេសកម្ពុជា។

លទ្ធផលនៃការចាប់ពូលនោះ ក្រុមនារីឥណ្ឌូណេស៊ី ស្ថិតនៅពូល A ដែលមានក្រុមនារីវៀតណាម ហ្វីលីពីន មីយ៉ាន់ម៉ា និងម៉ាឡេស៊ី ដែលត្រូវបានចាត់ទុកជាពូលមរណៈ ខណៈពូល B មានម្ចាស់ផ្ទះកម្ពុជា ថៃ ឡាវ និងសិង្ហបុរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ពូល A អ្នកគ្រប់គ្នាដឹងហើយថា វៀតណាម ជាម្ចាស់មេដាយមាសស៊ីហ្គេម ឆ្នាំចាស់ ដែលត្រូវការពារតំណែងមេដាយមាសរបស់ខ្លួននៅស៊ីហ្គេម ក្នុងប្រទេសកម្ពុជា។ វៀតណាមក៏ជាក្រុមខ្លាំងអាស៊ីកម្រិតពិភពលោកមួយដែរ។

ក្រុមនារីហ្វីលីពីន ជាក្រុមជើងឯកអាស៊ីអាគ្នេយ៍ និងមានកៅអីជើងឯកពិភពលោកទៀតផង។ មិនត្រឹមតែប៉ុណ្ណោះ ក្រុមនារីមីយ៉ាន់ម៉ា ក៏ជាក្រុមខ្លាំងមួយដែលមានចំណាត់ថ្នាក់លេខ៤៧ ពិភពលោក និងមានក្រុមម៉ាឡេស៊ីថែមទៀត។

ផ្អែកលើដៃគូដែលសុទ្ធតែខ្លាំងៗអាចធ្វើឲ្យឥណ្ឌូណេស៊ីមិនមានសង្ឃឹមច្រើនក្នុងការឡើងទៅវគ្គពាក់កណ្តាលផ្តាច់ព្រ័ត្រឡើយ ដូច្នេះប្រហែលជាមិនមកប្រកួតល្អជាង ដើម្បីកុំឲ្យចំណាយលុយច្រើន។

តាមពិតទៅ នេះមិនមែនជាលើកទី១ទេដែល ឥណ្ឌូណេស៊ី បានដកខ្លួន។ ក្រុមនារីអាស៊ាន ដែលមានចំណាត់ថ្នាក់លេខ ៩៧ ពិភពលោកមួយនេះបានដកខ្លួនចេញពីការប្រកួតកីឡាស៊ីហ្គេម លើកទី៣១ ក្នុងឆ្នាំ២០២២ នៅប្រទេសវៀតណាម។

សម្រាប់ការចូលរួមលើកចុងក្រោយបំផុតរបស់ក្រុមនារីឥណ្ឌូណេស៊ីក្នុងស៊ីហ្គេម លើកទី៣០ ឆ្នាំ២០១៩ នៅប្រទេសហ្វីលីពីន។ ពេលនោះ ឥណ្ឌូណេស៊ី ស្ថិតក្នុងពូល B ជាមួយវៀតណាម និងថៃ។ ពួកគេចាញ់ទាំងពីរប្រកួត ដោយស៊ុតបញ្ចូលទីបានតែ ១គ្រាប់ប៉ុណ្ណោះ ប៉ុន្តែត្រូវដៃគូទម្លាយសំណាញ់ទី១១គ្រាប់។ ពួកគេបានជ្រុះចេញពីការប្រកួតក្នុងពូល៕

អត្ថបទ៖ មន្នីរ័ត្ន

Related Topics:កីឡាស៊ីហ្គេម

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា