បុរាណជឿថា សុបិនឃើញផ្លែចេក បង្ហាញពីលាភសំណាង

ប្រជាជន​ពី​បុរាណតែង​មាន​ជំនឿ​ថា ការ​សុបិន​ឃើញ​ផ្លែចេក គឺជាប្រផ្នូល​បង្ហាញ​ពី​លាភ​សំណាង ដែលអត្ថន័យរបស់វាត្រូវបានបកស្រាយតាមសណ្ឋានដូចជា៖

សុបិនឃើញចេកទុំ

ចេកទុំគ្រប់ភេទ បង្ហាញខ្លួនក្នុងសុបិន មានន័យថា លទ្ធផល​ការងារនឹងទទួលបានជោគជ័យ ហើយអ្វី​ៗដែលអ្នក​បាន​ព្យាយាម​ជា​យូរ​មក​ហើយ​នឹង​មិនធ្វើឱ្យអ្នកខកបំណងឡើយ។ ជាមួយគ្នានេះមនុស្សស្គាល់ជាច្រើន នឹងតាមជួយជ្រោមជ្រែងគ្រប់យ៉ាង។

សុបិនឃើញចេកខ្ចី

ចេកខ្ចី ​មានន័យថា អ្នកនឹងទទួលបានជំនួយពីមិត្តភក្តិ ឬញាតិនៅឆ្ងាយ។

សុបិនឃើញចេកមួយស្និត ឬមួយស្ទង

សុបិននេះមានន័យថា អ្នកនឹងមាន​លាភ​សំណាង​ចេញពី​ការងារ ការ​រកស៊ី​ និងជំនួញធំៗ ដោយមានប្រាក់ចំណូលហូរចូលយ៉ាងសន្ធឹកសន្ធាប់ ហើយការកកស្ទះនានាកាលពីពេលកន្លងមក នឹងត្រូវបានដោះស្រាយ។

សុបិនឃើញផ្លែចេកភ្លោះ

ឃើញផ្លែចេកភ្លោះ ឬញ៉ាំចេកភ្លោះ នឹងទទួលបានសំណាងផ្នែកសុខភាព។ មនុស្សដែលកំពុងឈឺ នឹងធូរសា្រលពីរោគាព្យាធិ។

សុបិនឃើញគំនរចេក

សុបិនឃើញគំនរចេក​ មានន័យថា អ្នកនឹងទទួលបានសំណាងពីស្នេហា។ អំឡុងពេលនេះនឹងមាននរណាម្នាក់ចង់ចាប់ផ្តើមទាក់ទងជាមួយអ្នក៕

អត្ថបទ៖ សន្យា

ចុចអាន៖ សុបិនលិចទូក ​ត្រូវប្រយ័ត្នលើរឿងអ្វីខ្លះ?