វប្បធម៌ ជំនឿ

សុបិនលិចទូក ត្រូវប្រយ័ត្នលើរឿងអ្វីខ្លះ?

បានផុស

៣ years មុន

នៅ

ថ្ងៃចន្ទ ១០ មេសា ២០២៣

ដោយ

Sonya

សុបិនលិចទូក ជាសុបិនដែលចាស់ៗពីដើមចំណាំថា ជាប្រផ្នូលមិនល្អ ត្រូវឱ្យកូនចៅប្រុងប្រយ័ត្នឱ្យបានខ្ពស់ទាំងរឿងបច្ចុប្បន្ន និងអនាគត។ យ៉ាងណាមិញ សុបិននេះអាក្រក់មែនឬអត់ សូមអានការទស្សន៍ទាយតាមទម្រង់នៃសុបិនដូចខាងក្រោម៖

សុបិនលិចទូក តែរួចជីវិត

ទស្សន៍ទាយថា អ្វីដែលអ្នកគិតបម្រុងធ្វើ ឬមានផែនការនឹងទទួលការបរាជ័យ។ មិនតែប៉ុណ្ណោះ ហិរញ្ញវត្ថុមានគម្លាតគ្នាខ្លាំងរវាងចំណូល-ចំណាយ ដែលនាំឱ្យទ្រព្យសម្បត្តិថយចុះ។

នៅពេលនេះនឹងមានបញ្ហាក្នុងដំណើរការគម្រោងនានា តម្រូវឱ្យអ្នកមានភាពអត់ធ្មត់ខ្លាំងបំផុត ទើបអាចឆ្លងផុតគ្រាលំបាក។

សុបិនលិចទូក ហើយលង់ស្លាប់

ជាសុបិនដែលទាមទារឱ្យអ្នកថែទាំខ្លួនយ៉ាងពិសេស ព្រោះអាចមានសត្រូវ ឬគូប្រជែងដែលកំពុងរកវិធីមកធ្វើបាបអ្នក ឬបង្ខូចកេរ្តិ៍ឈ្មោះ។

សុបិនទូកលិច នៅពីមុខអ្នក

វាជាប្រផ្នូលប្រាប់ថា គ្រប់កិច្ចការនឹងមានភាពរាំងស្ទះ អ្វីៗមិនសូវរលូននោះទេ។ ប៉ុន្តែនៅពេលដែលអ្នកកំពុងឆ្លងកាត់បញ្ហានេះ ចូរគិតថា អ្នករឹងមាំ និងមានសមត្ថភាពក្នុងការដោះស្រាយវា។

សុបិនឃើញទូកលិច នៅក្នុងសមុទ្រ

ក្នុងអំឡុងពេលនេះ មានរឿងដែលនាំឲ្យអ្នករងភាពអាម៉ាស។

សុបិនឃើញទូកលិច នៅក្នុងទន្លេ

សុបិននេះមិនមែនជាសុបិនល្អទេ ព្រោះវាតំណាងឱ្យសំណាងអាក្រក់ដែលហៀបនឹងកើតឡើង ដូចជាការចាញ់ពាក្យបណ្ដឹង ឬការខាតបង់ការរកស៊ី និងការជួញដូរជាដើម៕

អត្ថបទ៖ សន្យា

ចុចអាន៖ គេថា សុបិនជ្រុះក្រចកដៃ ជាប្រផ្នូលអាក្រក់?

ចុចអាន៖ សុបិនឃើញចោរចូលផ្ទះ ឬចោរប្លន់ ជាប្រផ្នូលអាក្រក់ មិនគួរព្រងើយ