ព័ត៌មានជាតិ
អគារថ្មីតម្លៃ ១៦លានដុល្លារ គ្រោងសាងសង់បម្រើដល់វិស័យសុខាភិបាល នៅក្នុងមន្ទីរពេទ្យកុមារជាតិ
អគារមន្ទីរពេទ្យថ្មីកម្ពស់៥ជាន់ មានតម្លៃ១៦លានដុល្លារ នៅក្នុងបរិវេណមន្ទីរពេទ្យកុមារជាតិជាជំនួយរបស់រដ្ឋាភិបាលសាធារណរដ្ឋកូរ៉េ គ្រោងនឹងសាងសង់នៅពាក់កណ្តាលឆ្នាំ២០២៤ ខាងមុខនេះ ដើម្បីជួយសម្រួលដល់ការព្យាបាលជំងឺជូនដល់កុមារកាន់តែប្រសើរឡើងថែមទៀត។
លោកសាស្ត្រាចារ្យ ញឹប អង្គាបុស្ស នាយកមន្ទីរពេទ្យកុមារជាតិ បានឱ្យដឹងនៅព្រឹកថ្ងៃទី១៨ឧសភានេះថា អគារមន្ទីរពេទ្យថ្មីនេះ មានកម្ពស់៥ជាន់មានទំហំជាង៨៣០០ម៉ែត្រការ៉េដោយចំណាយថវិកាប្រមាណ ១៦លានដុល្លារ ជាជំនួយរបស់រដ្ឋាភិបាលកូរ៉េ។
លោកសាស្ត្រាចារ្យបានបន្តថា នេះជាអគារមន្ទីរពេទ្យទី២ហើយ ដែលរដ្ឋាភិបាលកូរ៉េជួយសាងសង់ដល់មន្ទីរពេទ្យកុមារជាតិ ខណៈអគារទី១ មានកម្ពស់៣ជាន់ ដោយបានសាងសង់នៅឆ្នាំ២០០៧ មានឈ្មោះថា អគារមិត្តភាពកម្ពុជា កូរ៉េ បានដាក់ដំណើរការនៅឆ្នាំ២០០៩។
បន្ទាប់មកទៀត ដោយសារតម្រូវការរបស់មន្ទីរពេទ្យមានចំនួនអ្នកជំងឺកើនឡើងជាប្រចាំកូរ៉េបានធ្វើការជួសជុល និងពង្រីកឡើងវិញ នៅឆ្នាំ២០១៣ និងដាក់ដំណើរការនៅឆ្នាំ២០១៦។
លោកសាស្ត្រាចារ្យបានបន្តទៀតថា« ឥឡូវនេះ គម្រោងនេះយើងបានបញ្ចប់ការសិក្សាលម្អិតនឹងបានអនុម័តថវិការួចរាល់ហើយដែរ ទៅមុខទៀតនៅសល់តែជ្រើសរើសអ្នកគ្រប់គ្រងគម្រោងទេពេលជ្រើសរើសបានហើយ នឹងត្រូវរៀបចំគូសប្លង់អគារហើយដាក់ដេញថ្លៃទើបអាចចាប់ផ្តើមការសាងសង់បាន»។
លោកសាស្ត្រាចារ្យបានបន្ថែមថា តាមការប៉ាន់ស្មានអគារថ្មីនេះ អាចនឹងចាប់ផ្តើមសាងសង់នៅពាក់កណ្តាលឆ្នាំ២០២៤ខាងមុខ ដោយគ្រោងនឹងបញ្ចប់ការសាងសង់រយៈពេល៣ទៅ៣ឆ្នាំកន្លះ។
បើតាមលោកសាស្ត្រាចារ្យ អគារថ្មីនេះអាចដាក់គ្រែបានចំនួន ១៦៩គ្រែ និងមានកន្លែងសម្រាប់បណ្តុះបណ្តាល និងការអនុវត្តផ្ទាល់ដល់ក្រុមគ្រូពេទ្យផ្នែកជំនាញកុមារមកពីតាមបណ្តាខេត្តផ្សេងៗ និងមានផ្នែកពិគ្រោះជំងឺក្រៅតាមឯកទេសនីមួយៗ មានអាហារដ្ឋាន កន្លែងក្មេងលេង និងមានបង្កើតសេវាថ្មីៗសម្រាប់កុមារដូចជា ជំងឺត្រចៀក ច្រមុះបំពង់ក ភ្នែក តម្រង់នោម ក្រពេញក្នុង ម៉ាស៊ីនលាងឈាមផ្នែកកុមារ ជំងឺមហារីកឈាម សួត ក្រពះពោះវៀន ម៉ាស៊ីនថតឆ្លុះក្រពះទងសួត និងជំងឺ អូទីសឹមជាដើម៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង