Kanye West និងភរិយាថ្មី ចំណាយប្រាក់ ២ ម៉ឺនដុល្លារ ជួលផ្ទះគេនៅ

ក្រោយលែងលះជាមួយអតីតភរិយា Kim Kardashian តារារ៉េប Kanye West បានរៀបការនឹងភរិយាថ្មីគឺអ្នកស្រី Bianca Censori ។ បច្ចុប្បន្នគូស្វាមីភរិយានេះ ត្រូវគេរាយការណ៍ថា កំពុងនៅផ្ទះជួលនៅលើទឹកដីហូលីវូដខាងលិច ដែលតម្លៃឈ្នួលក្នុងមួយខែដល់ទៅ ២ ម៉ឺនដុល្លារឯណោះ។

យោងតាមប្រភពច្បាស់លាស់មួយបានឲ្យដឹងថា “ផ្ទះជួលនេះស្អាតណាស់ ខាងក្នុងត្រូវបានរៀបចំតុបតែងដោយ Kanye West ផ្ទាល់តែម្ដង” ហើយគូស្នេហ៍នេះបានរស់នៅផ្ទះជួលនេះពីរបីខែមកហើយ ។ សម្រាប់វិមានតម្លៃ ៥៧ លានដុល្លាររបស់ Kanye នៅ Malibu វិញ មិនមានអ្នកនៅទេ បន្ទាប់ពីផ្អាកការសាងសង់កាលពីខែវិច្ឆិកា ឆ្នាំ ២០២២ កន្លងទៅ។

គួរបញ្ជាក់ថា Kanye West បាត់បង់ឈ្មោះជាសេដ្ឋីពាន់លានកាលពីឆ្នាំ ២០២២ បន្ទាប់ពីក្រុមហ៊ុន Adidas បានបញ្ចប់ភាពជាដៃគូរបស់ខ្លួនជាមួយគាត់ សូម្បី Gap, Vogue, និង Balenciaga ក៏ផ្តាច់ទំនាក់ទំនងដែរ ៕

ប្រែសម្រួល ៖ វារី

ចុចអាន ៖ មកដឹងបន្ថែមពី Bianca Censori ភរិយាថ្មីរបស់ Kanye West