មកដឹងបន្ថែមពី Bianca Censori ភរិយាថ្មីរបស់ Kanye West

នាង Bianca Censori ភរិយាថ្មីរបស់ Kanye West ជានារីដ៏អាថ៌កំបាំងមួយរូបមិនសូវចេញមុខក្នុងសង្គមឡើយ សូម្បីតែក្នុងបណ្ដាញសង្គមក៏ពិបាករកគណនីនាងផងដែរ ប៉ុន្តែទោះជាយ៉ាងណា អាថ៌កំបាំងនោះនៅតែមានការបែកធ្លាយ ហើយខាងក្រោមនេះជាព័ត៌មានខ្លះៗដែលគេស៊ើបដឹងពី Bianca Censori ៖

១. Bianca Censori ធ្វើការនៅក្រុមហ៊ុនម៉ាកយីហោ Yeezy

បច្ចុប្បន្ននាងមានតំណែងជាប្រធានស្ថាបត្យកម្មនៅក្រុមហ៊ុនម៉ាកយីហោស្បែកជើង Yeezy ហើយនាងធ្វើការនៅទីនោះតាំងពីខែវិច្ឆិកា ឆ្នាំ២០២០ មកម្ល៉េះ ។

២. ធ្លាប់ធ្វើជាអ្នកច្នៃម៉ូដគ្រឿងអលង្ការ

Bianca ជាម្ចាស់ប្រេនគ្រឿងអលង្ការ Nylons ពីឆ្នាំ ២០១៣ ដល់ ២០១៧ ។ ការរកស៊ីខ្នាតតូចរបស់នាងដុះលូតលាស់សន្សឹមៗតែរីកចម្រើនជារៀងរាល់ថ្ងៃ ។

៣. នាងបញ្ចប់ការសិក្សានៅទីក្រុង Melbourne ប្រទេសអូស្ត្រាលី

យោងតាមវេបសាយ LinkedIn របស់ Bianca បានឲ្យដឹងថា ភរិយាថ្មីរបស់ Kanye West ទទួលបរិញ្ញាបត្រ និងអនុបណ្ឌិតស្ថាបត្យកម្មពីសាកលវិទ្យាល័យ Melbourne នៅប្រទេសអូស្ត្រាលី ។

៤. Bianca ធ្លាប់ព្យួរការសិក្សាមួយឆ្នាំ

នាងព្យួរការសិក្សាមួយឆ្នាំក្នុងឆ្នាំ ២០១៤ ដើម្បីស្វែងរកអនាគតច្បាស់លាស់ ។ ពេលនោះនាងផ្ដោតសំខាន់លើការរកស៊ីពេញមួយឆ្នាំ ក្រោយមកទើបត្រឡប់ទៅសាកលវិទ្យាល័យវិញ ។

៥.  Bianca ជាមិត្តភក្ដិ Gadir Rajab

Gadir Rajab គឺជាអ្នករចនាម៉ូដ អ្នកថតរូប និងនាយកច្នៃប្រឌិត ។ យោងតាមកិច្ចសម្ភាសន៍ជាមួយ Vogues ក្នុងខែមិថុនា ឆ្នាំ ២០២២ បានឲ្យដឹងថា អ្នកទាំងពីរធំដឹងក្ដីនៅទីក្រុង Melbourne ដូចគ្នា ។

៦. នាងឆ្លាស់ការរស់នៅក្នុងទីក្រុង Los Angeles និង Melbourne

Bianca ប្រាប់ Vogue ថា នាងចំណាយពេលវេលានៅក្នុងទីក្រុងទាំងពីរ ព្រោះវាមានឥទ្ធិពល និងផ្ដល់ផលប្រយោជន៍ដល់អាជីពរបស់នាង ៕

ប្រែសម្រួលដោយ ៖ វារី

ចុចអាន ៖ ស្ងាត់ៗ Kanye West រៀបការជាមួយនារីថ្មីចោល Kim 

ចុចអាន ៖ ប្រពន្ធថ្មី Kanye សង្ស័យថាជាជនទីបី តាំងពី Kim មិនទាន់លែងលះ