ព័ត៌មានជាតិ
អាជ្ញាធរខេត្តកំពង់ធំ ជំរុញដល់យុវជនគ្រប់រូបត្រូវរៀនសូត្រឲ្យមានជំនាញមួយច្បាស់លាស់ពិតប្រាកដ
អាជ្ញាធរខេត្តកំពង់ធំ ជំរុញដល់សិក្សានុសិស្ស និស្សិត និងយុវជនទាំងអស់ត្រូវពង្រឹងនូវការសិក្សារៀនសូត្រឲ្យមានជំនាញមួយពិតប្រាកដ ដើម្បីបំពេញតម្រូវការ និងការប្រកួតប្រជែងទីផ្សារការងារនាពេលបច្ចុប្បន្ន។
នៅថ្ងៃទី១៥ ខែមិថុនា ឆ្នាំ២០២៣ លោក សុក ហៃ អភិបាលរងខេត្តកំពង់ធំ អញ្ជើញក្នុងពិធី ទិវាជាតិអប់រំបណ្ដុះបណ្ដាលបច្ចេកទេសនិងវិជ្ជាជីវៈលើកទី៦ ឆ្នាំ២០២៣ ដែលរៀបចំធ្វើឡើងនៅវិទ្យាស្ថានពហុបច្ចេកទេសខេត្តកំពង់ធំ។
![](https://www.kampucheathmey.com/wp-content/uploads/2023/06/photo_2023-06-16_06-57-43-1024x768.jpg)
ក្នុងឱកាសនោះដែរ លោក ឯក ហៀង នាយកវិទ្យាស្ថានពហុបច្ចេកទេស ខេត្តកំពង់ធំ ធ្វើរបាយការណ៍ដោយលើកឡើងថា ពិធីផ្សព្វផ្សាយនេះ គឺមានគោលដៅក្នុងការផ្សព្វផ្សាយដល់ជំនាញវិជ្ជាជីវៈទៅដល់ប្រជាពលរដ្ឋ ក៏ដូចជាសិស្សានុសិស្ស ដើម្បីកាត់បន្ថយភាពក្រីក្រនៅតាមមូលដ្ឋាន។ លោកបន្តថា វិទ្យាស្ថាពហុបច្ចេកទេសខេត្តកំពង់ធំគឺជាគ្រឹះស្ថានបណ្ដុះបណ្ដាលបច្ចកទេស និងវិជ្ជាជីវៈមួយក្នុងចំណោមគ្រឹះស្ថាន (TVET)របស់ខេត្តទាំងអស់ដែលស្ថិតនៅក្រោមក្រសួងការងារ និងបណ្តុះបណ្តាលវិជ្ជាជីវៈ។ វិទ្យាស្ថានត្រូវបានបង្កើតឡើងនៅថ្ងៃទី០១ ខែមិថុនា ឆ្នាំ២០០១ តាមយុទ្ធសាស្រ្តកាត់បន្ថយភាពក្រីក្ររបស់រាជរដ្ឋាភិបាល។ សាលាបានបណ្តុះបណ្តាលសិស្ស និស្សិត ចាប់ពីឆ្នាំ២០០១-២០២២ សរុបចំនួន ២៦ ៦២៧ នាក់ ក្នុងនោះជាង៨០% នៃសិក្ខាកាម សិស្ស និស្សិតក្រោយបញ្ចប់ការបណ្តុះបណ្តាលប្រកបមុខរបរដោយខ្លួនឯង និងមានការងារធ្វើ។ ក្នុងឆ្នាំ២០២៣ នេះសាលាកំពុងបណ្តុះបណ្តាលសិស្ស និស្សិត សរុបចំនួន ៣ ១០៧ នាក់ ដែលមានថ្នាក់បរិញ្ញាបត្រ, ថ្នាក់បរិញ្ញាបត្ររង ថ្នាក់បច្ចេកទេស និងវិជ្ជាជីវផងដែរ។
![](https://www.kampucheathmey.com/wp-content/uploads/2023/06/photo_2023-06-16_06-57-34-1024x768.jpg)
លោកបញ្ជាក់ថា ទិសដៅអនុវត្តការងារបន្តសម្រាប់ឆ្នាំ២០២៣-២០២៤ គឺបង្កើនបរិមាណសិស្ស និស្សិតចុះឈ្មោះចូលរៀនក្នុងវិទ្យាស្ថាន បង្កើនគុណភាពបណ្តុះបណ្តាលឲ្យឆ្លើយតបទៅនឹងបច្ចេកវិទ្យាថ្មី ពង្រឹងសមត្ថភាពគ្រូបច្ចេកទេសបន្ថែម បន្តការងារប្រចាំដើម្បីការពារវិញ្ញាបនបត្រ ISO 9001-2015 សម្រាប់សវនកម្មលើកក្រោយៗទៀត និងបន្តរៀបចំការងារធានាគុណភាពរបស់អង្គភាព ។
![](https://www.kampucheathmey.com/wp-content/uploads/2023/06/photo_2023-06-16_06-57-22-1024x768.jpg)
ទន្ទឹមជាមួយគ្នានេះ លោក សុក ហៃ អភិបាលរងខេត្តកំពង់ធំ លើកឡើងថា ការសិក្សាផ្នែកជំនាញទន់ ជាផ្នែកមួយមិនអាចខ្វះ ដើម្បីបំពេញបន្ថែមលើជំនាញឯកទេស និងសម្រាប់ភាពជោគជ័យ ក្នុងការងារ ឬមុខជំនួញ ក្នុងទីផ្សារការងារប្រកប ដោយសេចក្តីសង្ឃឹមជឿជាក់ និងមានភាពទាក់ទាញ ដែលជំរុញឲ្យយុវជន ដែលបញ្ចប់ការបណ្តុះបណ្តាលបច្ចេកទេស បំពេញការងារប្រកបដោយគុណភាព សុវត្ថិភាព និងការទទួលខុសត្រូវ ហើយក៏កសាងទំនុកចិត្ត ពីសំណាក់ដៃគូរអភិវឌ្ឍន៍ដូចជាធានា អ្នកវិនិយោគដែលត្រូវការជាចាំបាច់នូវការប្រើប្រាស់កម្លាំងពលកម្ម។
![](https://www.kampucheathmey.com/wp-content/uploads/2023/06/photo_2023-06-16_06-57-27-1024x768.jpg)
លោកអំពាវនាវប្រជាពលរដ្ឋបន្តថែរក្សាសន្តិភាព និងស្ថិរភាពនៅកម្ពុជា ដែលជាលក្ខខណ្ឌចាំបាច់ក្នុងការបន្តការអភិវឌ្ឍមូលធនមនុស្សពោរពេញដោយជំនាញ និងសមត្ថភាព ដើម្បីបង្កើនផលិតភាព ភាពប្រកួតប្រជែងកំណើនសេដ្ឋកិច្ចខ្ពស់ការបង្កើតការងារថ្មីកាន់តែល្អ និងរក្សាការងារ ដែលមានស្រាប់សំដៅបន្តលើកកម្ពស់ជីវភាពរស់នៅរបស់ប្រជាពលរដ្ឋឱ្យកាន់តែប្រសើរឡើង និងបន្តគាំទ្រក្នុងការអនុវត្តគោលនយោបាយជាតិស្តីពីការអប់រំបណ្ដុះបណ្ដាលបច្ចេកទេស និងវិជ្ជាជីវៈ ឆ្នាំ២០១៧-២០២៥ ដើម្បីឈានទៅសម្រេចបាននូវចក្ខុវិស័យក្នុងការអភិវឌ្ឍធនធានមនុស្សនៅកម្ពុជា ប្រកបដោយចំណេះដឹង សមត្ថភាព ជំនាញ ឥរិយាបថការងារ សីលធម៌វិជ្ជាជីវៈ ផលិតភាពខ្ពស់ និងមាន លក្ខណៈប្រកួតប្រជែងសម្រាប់ការងារពេញមួយជីវិត៕
អត្ថបទ៖ ឈាង មករា
![](https://www.kampucheathmey.com/wp-content/uploads/2023/06/photo_2023-06-16_06-57-19-1024x768.jpg)
![](https://www.kampucheathmey.com/wp-content/uploads/2023/06/photo_2023-06-16_06-57-39-1024x768.jpg)
![](https://www.kampucheathmey.com/wp-content/uploads/2023/06/photo_2023-06-16_06-57-10-1024x682.jpg)
![](https://www.kampucheathmey.com/wp-content/uploads/2023/06/photo_2023-06-16_06-57-12-1024x682.jpg)
-
ព័ត៌មានអន្ដរជាតិ៤ ថ្ងៃ ago
Pre-Wedding កូនសេដ្ឋីប្រាក់លានឥណ្ឌា លើទឹកដី អ៊ីតាលី ក្លាយជាពិធីខឹងសម្បារពីប្រជាជន និងអ្នកទេសចរ
-
ព័ត៌មានជាតិ៣ ថ្ងៃ ago
អ្នកជំនាញឡាន ប្រាប់មូលហេតុដែលម្ចាស់ឡានតូចៗ មិនគួរប្រថុយបើកឡានកាត់ទឹក
-
ព័ត៌មានជាតិ៤ ថ្ងៃ ago
មានតម្រុយ គ្រោងសាងសង់ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ
-
ព័ត៌មានជាតិ៥ ថ្ងៃ ago
ពិព័រណ៍យន្តហោះ និងបច្ចេកវិទ្យា រដូវកាលទី៤ នឹងមកដល់ឆាប់ៗនេះ
-
ព័ត៌មានអន្ដរជាតិ៤ ថ្ងៃ ago
យន្តហោះដឹកកីឡាករប្រដាល់ថៃមួយក្រុម ដាច់ម៉ាស៊ីនត្រជាក់ ម្នាក់ៗហប់សឹងដាច់ខ្យល់
-
សន្តិសុខសង្គម៣ ថ្ងៃ ago
ម្ចាស់ហាងមួយនៅឆ្នេរអូរឈើទាលលក់ស្រាបៀរមួយកេស៧២ដុល្លារ អាជ្ញាធរខេត្តឲ្យជំនាញពិនិត្យ
-
ព័ត៌មានជាតិ៥ ថ្ងៃ ago
រៀបចំក្រុងពាលី ត្រៀមបើកការដ្ឋានសាងសង់ «ព្រែកជីកហ្វូណន-តេជោ»
-
ព័ត៌មានជាតិ៥ ថ្ងៃ ago
នគរបាលខេត្តស្វាយរៀង បង្ក្រាបករណីឆបោកក្រោមរូបភាពដាក់ប្រាក់វិនិយោគ