ហ្គីតាសំណព្វ Taylor Swift ដាក់ដេញថ្លៃជាង ១០ម៉ឺនដុល្លារ ដើម្បីយកប្រាក់ជួយកុមារមហារីក

ហ្គីតាសំណព្វតារាចម្រៀង ​Taylor Swift ដែល​មាន​ហត្ថលេខា​របស់នាងនៅពីលើនោះ ត្រូវ​បាន​លក់​នៅ​ក្នុង​ការ​ដេញ​ថ្លៃ​សប្បុរសធម៌​ផ្នែក​ជំងឺ​មហារីក ​ក្នុង​តម្លៃ​ដ៏​ច្រើន​សន្ធឹកសន្ធាប់រហូតដល់ជាង ១០ម៉ឺនដុល្លារអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហ្គីតាមួយដែល ​Taylor Swift តែងតែប្រើញឹកញាប់នៅក្នុងការប្រគុំតន្ត្រីធំតូចនានា ត្រូវបាននាងបរិច្ចាគសម្រាប់សប្បុរធម៌ ដើម្បីដាក់ដេញថ្លៃក្នុងតម្លៃ ១២០,០០០ម៉ឺនដុល្លារអាមេរិក។ ប្រាក់ទាំងអស់ដែលទទួលបានពីការលក់ដេញថ្លៃនេះ ត្រូវបានផ្ដល់ទៅជួយកុមារដែលកំពុងប្រឈមនឹងជំងឺមហារីក នៅរដ្ឋ Florida សហរដ្ឋអាមេរិក។

គួរបញ្ជាក់ថា កម្មវិធីសប្បុរសធម៌ដែល Taylor Swift សុខចិត្តបរិច្ចាគហ្គីតាជាទីស្រឡាញ់ផ្ទាល់ខ្លួន ជាគំនិតផ្ដួចផ្ដើមពីតារាចម្រៀងលោក Toby Keith និងមិត្តភក្តិ ដែលការដេញថ្លៃរបស់លោកមានឈ្មោះថា OK Kids Korral ឆ្នាំ២០២៣ ។ កម្មវិធីដេញថ្លៃសប្បុរសធម៌នេះដែរ ធ្វើឡើងក្នុងគោលបំណងរៃអង្គាសប្រាក់ ដើម្បីជួយកុមារដែលកំពុងប្រយុទ្ធប្រឆាំងនឹងជំងឺមហារីក ហើយកំពុងជួបការលំបាក។ ហើយនេះក៏មិនមែនជាលើកទី១ដែរ ដែល Taylor Swift បានចូលរួមសកម្មភាពមនុស្សធម៌ ត្បិតកន្លងនាងធ្លាប់បរិច្ចាគហ្គីតាម្ដងរួចហើយ និងធ្លាប់បរិច្ចាគប្រាក់សុទ្ធជាច្រើនផងដែរ ដើម្បីជួយក្មេងៗក្រីក្រ៕

ប្រែសម្រួល៖ សន្យា

ចុចអាន៖ តួអង្គរឿង Barbie ទម្លាយការពិត ក្នុងវគ្គដោះស្បែកជើង ដែលកំពុងល្បី

ចុចអាន៖ ប្រវត្តិ Lily Rose តួឯកស្រីរឿង “The Idol” ដែលកំពុងផ្ទុះមតិរិះគន់ជុំទិស