តួអង្គរឿង Barbie ទម្លាយការពិត ក្នុងវគ្គដោះស្បែកជើង ដែលកំពុងល្បី

Margot Robbie បដិសេធការប្រើជើងតួជំនួសក្នុងរឿង Barbie វគ្គដោះស្បែកជើងកែងដែលកំពុងទទួលបានការចាប់អារម្មណ៍យ៉ាងខ្លាំងពីសំណាក់អ្នកមើល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេលវីដេអូខ្លីរឿង Barbie ចេញផ្សាយកាលពីខែមេសា ឆ្នាំ២០២៣ មហាជនក្នុងបណ្ដាញសង្គមនាំគ្នាសរសើរទៅលើប្រអប់ជើង Barbie ដ៏ស្អាត វគ្គដោះស្បែកជើងពណ៌ផ្កាឈូករបស់នាងចេញ ។

កញ្ញា Robbie ចង់ឲ្យមនុស្សក្នុងពិភពលោកដឹងថា នោះគឺជាជើងពិតៗរបស់នាង មិនមែនជើងតួជំនួស ឬប្រើកុំព្យូទ័រកែកុនឡើយ ។

អំឡុងពេលសម្ភាសជាមួយ Fandango តួអង្គ Barbie បានទម្លាយថា គេថត ៨ ដង ទម្រាំតែត្រូវ ចំណែកស្បែកជើងវិញ គេបិតស្កុតដើម្បីកុំឲ្យរបូតពេលដោះចេញ ហើយតួស្រីត្រូវកាន់បង្កាន់ដៃលើកាមេរ៉ា ជាពិសេសនាងធ្លាប់រៀនរបាំបាឡេកាលពីក្មេងទៀតទើបល្អឥតខ្ចោះបែបនេះ ។

តារាសម្ដែងអូស្ត្រាលីវ័យ ៣២ ឆ្នាំខាងលើបញ្ជាក់ទៀតថា នាងចង់ថតជើងខ្លួនឯង ព្រោះនាងស្អប់ការប្រើតួជំនួស “ខ្ញុំមិនចូលចិត្តមើលរឿងខ្លួនឯង ហើយឃើញដៃជើងអ្នកដទៃទេ ។ ខ្ញុំប្រាប់អ្នកដឹកនាំរឿងរហូតហ្នឹងថា ឲ្យខ្ញុំធ្វើគ្រប់យ៉ាងដោយខ្លួនឯងទៅ” Robbie បន្ថែម ៕

ប្រែសម្រួល៖ វារី

ប្រភព៖ 8days

ចុចអាន៖ ខ្វះខាតពណ៌ផ្កាឈូកជាសកល ក្រោយខ្សែភាពយន្ត “Barbie” ប្រើអស់ច្រើនពេក