កីឡា
អ្នកគាំទ្រអាស៊ានចាប់អារម្មណ៍ខ្លាំងលើលីគកម្ពុជារដូវកាលថ្មី
ពានរង្វាន់ខេមបូឌានព្រីមៀវលីគរដូវកាលថ្មី ២០២៣-២៤ សបា្តហ៍ទី១ទទួលបានការចាប់អារម្មណ៍ខ្លាំងពីអ្នកទស្សនាទាំងក្នុង និងក្រៅប្រទេស ជាពិសេសអ្នកគាំទ្រនៃប្រទេសក្នុងតំបន់អាស៊ានមួយចំនួនដូចជា ឡាវ ទីម័រខាងកើត និងមីយ៉ាន់ម៉ាជាដើម។
ក្លិបព្រះខ័នរាជស្វាយរៀងទទួលបានការចាប់អារម្មណ៍ខ្លាំងពីអ្នកគាំទ្រនៅប្រទេសឡាវ បន្ទាប់ពីកីឡាករជម្រើសជាតិឡាវ Bounphachan Bounkong ត្រូវបានដាក់ឲ្យចូលលេងនៅវគ្គទី២តាមរយៈការដូរចូលជំនួស ប្រាក់ មុន្នីឧត្តម។ អ្នកគាំទ្រឡាវទស្សនាការផ្សាយផ្ទាល់ច្រើនតាមផេក និងមានមតិយោបល់យ៉ាងច្រើននៅពេលផេករបស់ព្រះខ័នរាជស្វាយរៀងបានផុសកាលពីល្ងាចមិញ។
ក្លិបបាល់ទាត់ភ្នំពេញក្រោនទទួលបានការចាប់អារម្មណ៍ច្រើនដែរពីអ្នកមគាំទ្រមីយ៉ាន់ម៉ាតាមរយៈខ្សែការពារ Soe Moe Kyaw សញ្ជាតិមីយ៉ាន់ម៉ាក្នុងនាមជាកូតាកីឡាករអាស៊ានដោយរូបគេបានលេងពេញទាំងពីរវគ្គតែម្តង។
ចំណែកក្រុមព្រៃវែងក៏ទទួលបានការចាប់អារម្មណ៍ពីអ្នកគាំទ្រមីយ៉ាន់ម៉ាខ្លាំងដោយសារមានខ្សែប្រយុទ្ធ Thiha Zaw បានលេងពេញ៩០នាទី និងរកបាន១គ្រាប់ដែលបានក្លាយជាកីឡាករមីយ៉ាន់ម៉ាទី១រកបានគ្រាប់បាល់នៅលីគកំពូលកម្ពុជា។
អ្វីដែលគួរឲ្យកត់សំគាល់មួយទៀតនោះ អ្នកគាំទ្រទីម័រខាងកើតជាច្រើនបានចាប់អារម្មណ៍លើកីឡាករ Mouzinho ខ្សែប្រយុទ្ធរបស់វិសាខា។ រូបគេបានបង្ហាញខ្លួនប្រកួតជាមួយ ភ្នំពេញក្រោន ក្នុងពានរង្វាន់ ខេមបូឌានស៊ុបភើខាប់ និងជាមួយគិរីវង់សុខសែនជ័យ។ រូបគេពិតជាបង្ហាញទម្រង់លេងគួរឲ្យចាប់អារម្មណ៍ខ្លាំង។
ជំនួបជាមួយវិសាខា ខ្សែប្រយុទ្ធទីម័រខាងកើត Zenivio របស់គិរីវង់សុខសែនជ័យបានបង្ហាញទម្រង់លេចធ្លោផងដែរ។
តាមរយៈកូតាកីឡាករអាស៊ាន បានធ្វើឲ្យអ្នកគាំទ្រនៅតំបន់អាស៊ីអាគ្នេយ៍កាន់តែច្រើនចាប់អារម្មណ៍មកលើលីគបាល់ទាត់កំពូលកម្ពុជា។
សបា្ដហ៍ទី១ ចំនួនអ្នកគាំទ្រសរុបបានទៅទស្សនាផ្ទាល់ នៅកីឡដ្ឋានមាន១០ ៦១២ នាក់។ សម្រាប់ជំនួបដែលមានអ្នកគាំទ្រច្រើនបំផុតគឺក្នុងជំនួបម្ចាស់ផ្ទះភ្នំពេញក្រោនជាមួយក្លិបបឹងកេត នៅកីឡដ្ឋាន ស្មាត អ អេស អិន ដោយមានអ្នកគាំទ្រចំនួន ៥ ០៧៨ នាក់៕
អត្ថបទ៖ ផា រតនា
-
ព័ត៌មានជាតិ៦ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម១ សប្តាហ៍ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៤ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ១ សប្តាហ៍ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
សេដ្ឋកិច្ច១ សប្តាហ៍ agoកម្ពុជា មានក្រុមហ៊ុននាំចូលសាច់បង្កកចំនួន ៥៧
-
ព័ត៌មានជាតិ៧ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ១ សប្តាហ៍ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៤ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន