ព័ត៌មានអន្ដរជាតិ

ប៉ូលិស កូរ៉េខាងត្បូង បង្កើនសន្តិសុខក្នុងប្រទេស ក្រោយមានការបង្ហោះគំរាមសម្លាប់តាមអនឡាញ

បានផុស

៣ years មុន

នៅ

ថ្ងៃពុធ ៩ សីហា ២០២៣

ដោយ

ប៉ូលិសនៅប្រទេសកូរ៉េខាងត្បូង កំពុងមានការប្រុងប្រយ័ត្នខ្ពស់ក្នុងការឆ្លើយតបទៅនឹងការគំរាមកំហែងឃាតកម្មតាមប្រព័ន្ធអ៊ីនធឺណេត បន្ទាប់ពីមានការចាក់សម្លាប់គ្នាក្នុង និងក្រៅរាជធានី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី២១ ខែកក្កដា បុរសម្នាក់បានកាន់កាំបិតដើរចាក់អ្នកថ្មើរជើងក្នុងទីក្រុងសេអ៊ូល បណ្ដាលឲ្យមនុស្សម្នាក់ស្លាប់ និងបីនាក់របួស។ ចំណែកកាលពីថ្ងៃព្រហស្បតិ៍ បុរសម្នាក់ទៀតបានបើកការវាយប្រហារដោយកាំបិតនៅរាជធានី ខណៈមនុស្សម្នាក់បានស្លាប់ និង ១៣ នាក់ផ្សេងទៀតរងរបួសធ្ងន់។

ចាប់តាំងពីឧបទ្ទវហេតុទាំងនោះបានកើតឡើងមក ការគំរាមកំហែងដើម្បីប្រព្រឹត្តឧក្រិដ្ឋកម្មស្រដៀងគ្នានេះ ត្រូវបានបង្ហោះនៅលើអ៊ីនធឺណិត ដែលជំរុញឲ្យប៉ូលិសប្រមូលផ្តុំមន្ត្រីដើម្បីទប់ទល់នឹងការវាយប្រហារដែលអាចកើតមាន។

ក្នុងនោះដែរ ប៉ូលិសនៅទីក្រុងសេអ៊ូលបានដាក់ពង្រាយអង្គភាពពិសេសមួយ និងរថពាសដែកទៅកាន់តំបន់ជុំវិញស្ថានីយ៍ Gangnam។ មន្ត្រីប្រដាប់អាវុធត្រូវបានគេឃើញដើរល្បាតកន្លែងពាណិជ្ជកម្ម និងទីតាំងផ្សេងទៀតកាលពីថ្ងៃអង្គារ។

ដោយឡែក ស្ត្រីម្នាក់ក្នុងវ័យ៣០ឆ្នាំបាននិយាយថា ចាប់តាំងពីការវាយប្រហារនោះមក សហគមន៍របស់ពួកគេរស់នៅទាំងភាពភ័យខ្លាច ។ អ្នកស្រីក៏បាននិយាយដែរថា អ្នកស្រីមានអារម្មណ៍មិនសប្បាយចិត្តដោយសារវិធានការសន្តិសុខដែលបានកើនឡើង ប៉ុន្តែគិតថាពួកគេនឹងរួមចំណែកដល់សុវត្ថិភាពរបស់ពលរដ្ឋ។

ទោះយ៉ាងណាក៏ដោយ ប្រព័ន្ធផ្សព្វផ្សាយកូរ៉េខាងត្បូងបានរាយការណ៍ថា ប៉ូលិសបានកំណត់អត្តសញ្ញាណមនុស្សចំនួន ៥៩នាក់ដែលសង្ស័យថាបានបង្ហោះការគំរាមកំហែង ឬចូលរួមក្នុងអាកប្បកិរិយាឧក្រិដ្ឋកម្មផ្សេងទៀតគិតត្រឹមថ្ងៃច័ន្ទ ហើយជាងពាក់កណ្តាលនៃពួកគេមានអាយុចាប់ពី ១០ ដល់ ១៩ ឆ្នាំ។ របាយការណ៍ក៏និយាយផងដែរថាការគំរាមកំហែងភាគច្រើនហាក់ដូចជាបោកបញ្ឆោតប៉ុណ្ណោះ៕