ជីវិតកម្សាន្ដ

តារាស្រី ៦ ដួង ប្រើជីវិតហៃសូបង្អួតរថយន្តទំនើប ក្រោយរៀបការជាមួយសេដ្ឋី ថៃ ល្បីៗ

បានផុស

២ years មុន

នៅ

ថ្ងៃអាទិត្យ ១៣ សីហា ២០២៣

ដោយ

មិនមែនជារឿងចម្លែកនោះទេដែលតារាស្រីៗនៅប្រទេសថៃ តែងតែងបង្អួតនូវជីវិតហៃសូចាយប្រាក់ដើរកម្សាន្តតាមកន្លែងទំនើបៗទាំងក្នុងនិងក្រៅប្រទេស។ បន្ទាប់ពីរៀបអាពាហ៍ពិពាហ៍ជាមួយស្វាមីសេដ្ឋី ជីវិតរបស់ពួកគេបានប្ដូរផ្លាស់ ខណៈអ្នកខ្លះលាឈប់ពីសិល្បៈ ហើយបង្ហាញវត្តមានក្នុងជីវិតភរិយាអ្នកមានលើបណ្ដាញសង្គមវិញ។

១ Sririta Jensen

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីរៀបអាពាហ៍ពិពាហ៍ជាមួយអ្នកជំនួញប្រាក់លាន និងមានកូនប្រុសជាចំណងដៃតារាសម្ដែង Sririta Jensen តែងប្រើជីវិតហៃសូជាមួយនឹងទ្រព្យសម្បត្តិសឹងថាចាយលែងអស់។ លើសពីនេះទៀតដែរ នាងតែងបង្អួតនៅរថយន្តស៊េរីទំនើបជាប្រភេទឡានស្ព័រ ដែលស្វាមីជូនជាអំណោយកន្លងមកផងដែរ។

២ Aum Lakana Wattanawongsiri

រថយន្តស៊េរីទំនើបប្រភេទ MINI Cooper ដែលតារាសម្ដែង Aum Lakana ទើបតែបង្អួតក្តៅៗលើបណ្ដាញសង្គម IG បន្ទាប់ពីស្វាមីថ្មីថ្មោងបានទិញជាកាដូឲ្យភរិយាសំណព្វចិត្តនាប៉ុន្មានថ្ងៃមុន បានធ្វើឲ្យអ្នកគាំទ្រជាច្រើនភ្ញាក់ផ្អើលយ៉ាងខ្លាំងនឹងជីវិតនាបច្ចុប្បន្នរបស់នាង។

៣ Cris Horwang

ត្បិតថាតារាសម្ដែង Cris Horwang មិនមានគូស្នេហ៍ទិញរថយន្តទំនើបជាកាដូឲ្យដូចតារាស្រីផ្សេងៗទៀត។ ប៉ុន្តែក្រៅពីការស្លៀកពាក់ តារារូបនេះក៏និយមបង្អួតឡានថ្មីជាញឹកញាប់ ។ សម្រាប់រថយន្តប្រណិតអ៊ីតាលី Maserati វាបន្ថែមឲ្យ Chris មើលទៅកាន់តែស្រស់ស្អាត និងហៃសូហើយមហាជនក៏ដឹងថាវាមានតម្លៃរាប់លានបាតឯណោះ។

៤ Morakot Sangtaweep

តារាសម្ដែងម្នាក់នេះក៏និយមបង្អួតឡានប្រណិតទាំងខ្លួនឯងផងនិងរបស់ស្វាមីដែលជាអ្នកជំនួញប្រាក់លានផងដែរ។កាលពីពេលថ្មីៗនេះ ស្វាមីរបស់នាងបានចំណាយប្រាក់យ៉ាងច្រើនសន្ធឹក ដោយបានទិញរថយន្តម៉ាក RANGE ROVER ពណ៌ស ពាក់ស្លាកលេខក្រហមឲ្យភរិតាបើកបរនិងប្រើសម្រាប់ដឹកកូនប្រុសទៅសាលារៀន។

៥ Due Arisara Thongborisut

សម្រាប់ថ្ងៃខួបកំណើតឆ្នាំនេះ ស្វាមីរបស់នាងបានជូនកាដូធំឲ្យ Due Arisara ជាមួយនឹងរថយន្តទំនើប Benley ឯតម្លៃមិនក្រោម២០លានបាតនោះទេ។ ជារឿយៗនាងតែងបង្ហោះនូវរូបភាពឡានទំនើបចូលទៅបណ្ដាញសង្គមផ្ទាល់ខ្លួនបង្អួតពីជីវិតដ៏ស្រស់ស្អាតនិងមានស្វាមីយល់ចិត្តថែមទៀត។

៦ Chompoo Araya

សម្រាប់កាដូថ្ងៃខួបកំណើតកាលពីឆ្នាំមុន អ្នកជំនួញ Knot Wisarut បានទិញឡានពណ៌ក្រហម ជាកាដូខួបកំណើតឲ្យភរិយាជាទីស្រលាញ់ Chompoo Araya ដែលធ្វើឲ្យ Chompoo ញញឹមយ៉ាងសប្បាយរីករាយ។ ហើយបច្ចុប្បន្នរថយន្ត Lamborghini Urus ដែលមានតម្លៃជាង ២៣ លានបាត នៅតែជារថយន្តជាទីទុកចិត្តរបស់ Chompoo ។ ជារថយន្តទំនើបដែលអាចប្រើបានទាំងគ្រួសារ ហើយកូនៗក៏អាចអង្គុយបានយ៉ាងស្រួលដែរ៕

ប្រែសម្រួល៖ សាង ស្រីល័ក្ខ

ចុចអាន៖ថៃ ជាប់ចំណាត់ថ្នាក់ខ្ពស់បំផុត ដែលមានប្រជាជនចូលចិត្តមើលរឿងអាសអាភាសច្រើន