ព័ត៌មានអន្ដរជាតិ
កិច្ចប្រជុំកំពូល អាស៊ាន នៅ ឥណ្ឌូណេស៊ី នឹងលើកយកបញ្ហាចាក់ស្រេះចំនួន ៣ មកដោះស្រាយ
មេដឹកនាំអាស៊ានដែលដឹកនាំដោយលោកប្រធានាធិបតីឥណ្ឌូណេស៊ី Joko Widodo នឹងជួបពិភាក្សាគ្នានៅក្នុងកិច្ចប្រជុំកំពូលលើកទី ៤៣ ជាមួយនឹងការឡោមព័ទ្ធដោយបញ្ហាចាក់ស្រេះចំពោះមុខ និងមិនទាន់មានដំណោះស្រាយចំនួន ៣ ដូចជា ជម្លោះស៊ីវិលដ៏រ៉ាំរ៉ៃរបស់ប្រទេសមីយ៉ាន់ម៉ា ការផ្ទុះជម្លោះជាថ្មីនៅសមុទ្រចិនខាងត្បូង និងការប្រកួតប្រជែងដ៏យូរអង្វែងរវាងចិន និងសហរដ្ឋអាមេរិក ។
ទន្ទឹមនោះ រដ្ឋមន្ត្រីការបរទេសឥណ្ឌូណេស៊ីលោកស្រី Retno Marsudi ក៏បានទទួលស្គាល់ដែរថា បច្ចុប្បន្នប្លុកមួយនេះកំពុងប្រឈមមុខស្ថានភាពដ៏លំបាកជាច្រើននៅក្នុងតំបន់ ប៉ុន្តែទោះជាយ៉ាងណា យើងគួរតែយកឈ្នះ ជាពិសេសវិបត្តិមីយ៉ាន់ម៉ានេះតែម្ដង ។
លោកស្រី Retno បានលើកឡើងទៀតថា កិច្ចព្រមព្រៀងឯកច្ឆ័ន្ទ ៥ ចំណុចដែលបង្កើតដោយមេដឹកនាំអាស៊ានកាលពីឆ្នាំ ២០២១ នៅតែជាឯកសារយោងដែលមានសក្ដានុពលដើម្បីជួយនាំប្រទេសមីយ៉ាន់ម៉ាត្រឡប់ទៅរកភាពប្រក្រតីវិញ ។
ស្របពេលជាមួយគ្នានេះ ក្នុងកិច្ចប្រជុំដែលនឹងចាប់ផ្ដើមពីថ្ងៃទី៥ ដល់ថ្ងៃទី៧ ខែកញ្ញា មេដឹកនាំអាស៊ានក៏នឹងជួបសមភាគីអាស៊ី និងលោកខាងលិច ជាពិសេសនឹងមានការរៀបចំទ្រង់ទ្រាយធំនៃកិច្ចប្រជុំរវាងសហរដ្ឋអាមេរិក និងចិន ស្តីពីពាណិជ្ជកម្មសេរី ការប្រែប្រួលអាកាសធាតុ និងសន្តិសុខពិភពលោកជាដើម ។
ទោះយ៉ាងណា លោក Joe Biden ប្រធានាធិបតីសហរដ្ឋអាមេរិកមិនបានអញ្ជើញចូលរួមក្នុងកិច្ចប្រជុំកំពូលអាស៊ានលើកទី៤៣ នៅប្រទេសឥណ្ឌូណេស៊ីនោះទេ ដោយបញ្ជូនអនុប្រធានាធិបតីលោកស្រី Kamala Harris មកចូលរួមជំនួស ខណៈដែលប្រទេសចិនវិញនឹងមានការអញ្ជើញចូលរួមពីសំណាក់លោកនាយករដ្ឋមន្ត្រី Li Qiang ។
គួរបញ្ជាក់ថា ឥណ្ឌូណេស៊ីនឹងដាក់ពង្រាយប៉ូលិស និងកងកម្លាំងប្រដាប់អាវុធជាតិយ៉ាងហោចណាស់ ២០,០០០ នាក់ដើម្បីប្រុងជើងការ ក៏ដូចជារក្សាសន្តិសុខសណ្ដាប់ធ្នាប់ជូនថ្នាក់ដឹកនាំផ្សេងៗក្នុងកិច្ចប្រជុំកំពូលអាស៊ានលើកទី ៤៣ និងកិច្ចប្រជុំកំពូលពាក់ព័ន្ធ ដែលនឹងមានការចូលរួមពីមេដឹកនាំ និងគណៈប្រតិភូមកពី ២១ ប្រទេស និងអង្គការអន្តរជាតិចំនួន ៩ ៕
ប្រែសម្រួលដោយ ៖ ជីវ័ន្ត
ប្រភព ៖ ABC
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ១ សប្តាហ៍ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
សេចក្ដីជូនដំណឹង២៤ ម៉ោង ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ២ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានជាតិ១ សប្តាហ៍ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ
-
សេដ្ឋកិច្ច៣ ថ្ងៃ ago
គម្រោងព្រែកជីកហ្វូណនតេជោ គ្រោងបើកការដ្ឋានសាងសង់ឆាប់ៗ
-
សន្តិសុខសង្គម២ ថ្ងៃ ago
រថយន្ដពាក់ស្លាកលេខនគរបាល បាញ់ប្រហារលើរថយន្ដPriusមួយគ្រឿង ខណៈស៊ីផ្លេសុំផ្លូវ