ឃាត់ខ្លួនបុរសវ័យ៤៧ឆ្នាំម្នាក់ ក្រោយរំលោភក្មួយស្រីខ្លួនឯង

បុរសម្នាក់ធ្វេីសកម្មភាពចាប់រំលោភក្មួយស្រីខ្លួនឯងបានសម្រេចត្រូវបានសមត្ថកិច្ចឃាត់ខ្លួនយកទៅសួរនាំ និងចាត់ការតាមនីតិវិធី។

ការឃាត់ខ្លួននេះបានធ្វេីឡេីងកាលពីវេលាម៉ោង១០និង១០នាទីព្រឹក ថ្ងៃទី២៥ ខែកញ្ញា ឆ្នាំ២០២៣ នៅភូមិអូដឹម សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យឈ្មោះ យី សុខុម ហៅគម ភេទប្រុសអាយុ៤៧ឆ្នាំ មុខរបរនៅផ្ទះ ស្នាក់នៅបន្ទប់លេខ១ ភូមិអរដឹម សង្កាត់ចោមចៅទី៣ ខណ្ឌពោធិ៍សែនជ័យ។ ចំណែកជនរងគ្រោះឈ្មោះ ទ ស ម អាយុ២០ឆ្នាំ មុខរបរកម្មការិនីរោងចក្រ។

តាមប្រភពព័ត៌មានបានឱ្យដឹងថា កាលពីវេលាម៉ោង៩ព្រឹក ថ្ងៃទី២ ខែកញ្ញា ឆ្នាំ២០២៣ ជនរងគ្រោះបានដេកនៅក្នុងបន្ទប់ជួលម្នាក់ឯងបន្ទាប់មកស្រាប់តែជនសង្ស័យដែលត្រូវជាពូ ស្នាក់នៅបន្ទប់ជិតគ្នាក៏រុញទ្វារចូលសង្កត់ពីលេីជនរងគ្រោះរួចធ្វេីសកម្មភាពចាប់រំលោភរហូតបានសម្រេចម្តងហេីយជនសង្ស័យទៅបន្ទប់ជួលវិញធម្មតា។

ប្រភពដដែលបានបន្តថា ក្រោយពីជនសង្ស័យជាពូចាប់រំលោភរួចជនរងគ្រោះភ័យខ្លាចមិនហ៊ានប្រាប់សាច់ញាតិនោះទេ រហូតមកដល់ថ្ងៃទី២៤ ខែឆ្នាំដដែលទេីបជនរងគ្រោះប្រាប់ពីដំណេីររឿងទៅម្តាយ ទើបម្តាយនាំកូនស្រីមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលចោមចៅទី៣ ដេីម្បីសុំការអន្តរាគមន៍។ លុះមកដល់ថ្ងៃទី២៥ ខែកញ្ញា ម្តាយ និងកូនជាជនរងគ្រោះឃេីញជនសង្ស័យជាពូនៅបន្ទប់ជួលក៏ឃាត់ខ្លួនតែម្តង។

ជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅផ្នែកព្រហ្មទណ្ឌដេីម្បីចាក់ការតាមនីតិវិធី៕

អត្ថបទ៖ សុខា