អតិផរណា ថៃ ធ្លាក់ចុះជាលើកដំបូងក្នុងរយៈពេល ២៥ ខែ

បើយោងតាមក្រសួងពាណិជ្ជកម្មថៃបញ្ជាក់ថា អត្រាអតិផរណាប្រទេសថៃបានធ្លាក់ចុះជាលើកដំបូងក្នុងរយៈពេល​​ ២៥ ខែ ដោយសារតែការធ្លាក់ចុះនៃតម្លៃថាមពល​នៅក្នុងប្រទេស​ តាមរយៈវិធានការគាំទ្ររបស់រដ្ឋាភិបាល និងតម្លៃអាហារទាប ។

សន្ទស្សន៍តម្លៃទំនិញប្រើប្រាស់ (CPI) របស់ថៃ បានធ្លាក់ចុះ ០.៣១ ភាគរយនៅក្នុងខែតុលា បើប្រៀបធៀបនឹងឆ្នាំមុន ខណៈកាលពីខែមុន សន្ទស្សន៍បានឡើងដល់ ០.៣ ភាគរយ ។

ចំណែកសន្ទស្សន៍​តម្លៃទំនិញប្រើប្រាស់ស្នូល បានកើនឡើង ០.៦៦ ភាគរយ បើប្រៀបធៀបនៅក្នុងខែតុលាឆ្នាំមុន ធ្វើឲ្យអតិផរណា​បាន​ធ្លាក់​ចុះ​ក្រោម​គោលដៅ​របស់​ធនាគារ​កណ្តាល​ពី ១ ភាគរយ​ទៅ ៣ ភាគរយ​សម្រាប់​រយៈពេល​ ៩ ​ខែ​ជាប់​គ្នា ។

ក្នុងអំឡុងខែមករាដល់ខែតុលា, សន្ទស្សន៍តម្លៃទំនិញប្រើប្រាស់បានកើនឡើងជាមធ្យម ១.៦០ ភាគរយ បើប្រៀបធៀបនឹងរយៈពេលដូចគ្នាកាលពីឆ្នាំមុនដែលមានត្រឹមតែ ១.៤១ ភាគរយប៉ុណ្ណោះ ។ ទោះជាយ៉ាងណា ក្រសួងនៅតែមើលឃើញថា អតិផរណាដែលនាំមុខគេគឺ ១.០ ភាគរយទៅ ១.៧ ភាគរយនៅឆ្នាំនេះ ។

គួរបញ្ជាក់ថា កាលពីខែកញ្ញា គណៈកម្មាធិការគោលនយោបាយរូបិយវត្ថុធនាគារកណ្តាលថៃ បានដំឡើងអត្រាការប្រាក់ដ៏សំខាន់ភ្លាមៗ ដោយក្នុងមួយត្រីមាសដល់ ២.៥០ ភាគរយ ដែលជាកម្រិតខ្ពស់បំផុតក្នុងទសវត្សរ៍ ខណៈគោលនយោបាយនេះ ​នឹង​ពិនិត្យ​ម្តងទៀត​នៅ​ថ្ងៃ​ទី២៩ ខែ​វិច្ឆិកា ៕

ប្រែសម្រួល៖ នាង រតនៈ

ប្រភព​៖​ Bangkok Post