BLACKPINK លែងបន្តសកម្មភាពផ្ទាល់ខ្លួន នៅក្រោមផលិតកម្ម YG ហើយ ចាប់ពីឆ្នាំ២០២៤

នៅថ្ងៃទី២៩ ខែធ្នូ ផលិតកម្ម YG Entertainment បានចេញសេចក្តីថ្លែងការណ៍ផ្លូវការមួយ ដើម្បីបញ្ជាក់ថា សមាជិករបស់ BLACKPINK ទាំងអស់ នឹងមិនអនុវត្តការផ្សព្វផ្សាយផ្ទាល់ខ្លួន ឬសកម្មភាពទោសរបស់ពួកគេក្រោមស្លាកសញ្ញានោះទៀតទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើ​តាម​សេចក្តី​ប្រកាស​ព័ត៌មាន​របស់​ទីភ្នាក់ងារ​នៅ​ថ្ងៃ​នេះបញ្ចាក់ឲ្យច្បាស់ថា “មួយរយៈមុននេះ YG Entertainment បានបន្តកិច្ចសន្យារបស់ BLACKPINK សម្រាប់ការផ្សព្វផ្សាយរបស់ក្រុមជាក្រុម។ ឥឡូវនេះពួកយើងបានឈានដល់កិច្ចព្រមព្រៀងមួយ ក្នុងការមិនចុះកិច្ចសន្យាសម្រាប់ការផ្សព្វផ្សាយបុគ្គលរបស់សមាជិក។ ផលិតកម្មសន្យាថា នឹងគាំទ្រសកម្មភាពក្រុមរបស់ BLACKPINK ជាមួយនឹងធនធានដែលមានទាំងអស់ ហើយថែមទាំងលើកទឹកចិត្តដល់សកម្មភាពផ្ទាល់ខ្លួនរបស់សមាជិកដោយបេះដូងកក់ក្តៅផងដែរ។ សូមអរគុណ!”

ទោះយ៉ាងណានេះក្ដី កាលពីមុន Jennie បានប្រកាសពីការចាប់ផ្តើមថ្មីរបស់នាងនៅស្លាកយីហោផ្ទាល់ខ្លួនរបស់នាង ដែលមានឈ្មោះថា OA (ODDATELIER) ខណៈដែលសមាជិកដែលនៅសល់របស់ BLACKPINK មិនទាន់បង្ហាញផែនការជាក់លាក់បន្ថែមទៀតសម្រាប់សកម្មភាពផ្ទាល់ខ្លួនរបស់ពួកគេនៅឆ្នាំ ២០២៤។ ក្រោយមក អ្នកខាងក្នុងឧស្សាហកម្មជឿថា Lisa កំពុងពិភាក្សាអំពីកិច្ចសន្យាជាមួយក្រៅប្រទេស ស្របពេលដែល Jisoo កំពុងស្វែងរកឱកាសដើម្បីពង្រីកអាជីពសម្តែងរបស់នាងនាងនាថ្ងៃខាងមុខទៀត៕

អត្ថបទ៖​ សាង ស្រីល័ក្ខ

ចុចអាន៖អតីតប្រធានាធិបតី Moon Jae In ថ្លែងទាំងឈឺចាប់ និងទាមទារស៊ើបអង្កេតលើការស្លាប់ Lee Sun Gyun