ជីវិតកម្សាន្ដ

បើកឆាកដើមឆ្នាំ២០២៤ Engfa រកចំណូលរាប់ម៉ឺនដុល្លារឲ្យ MGI ត្រឹម Live ១ម៉ោងប៉ុណ្ណោះ

បានផុស

២ years មុន

នៅ

ថ្ងៃសៅរ៍ ៦ មករា ២០២៤

ដោយ

កាលពីពេលថ្មីៗនេះ ប្រភពពីប្រទេសថៃ thethaiger ទម្លាយចំណូលរបស់បវកញ្ញា Engfa Waraha ដែល Live លក់ផលិតផលត្រឹមរយៈពេល១ម៉ោងប៉ុណ្ណោះ ប៉ុន្តែនាងអាចរកចំណូលបានជាង១លានបាត (២ម៉ឺន៨ពាន់ដុល្លារ) ឲ្យស្ថាប័ន Miss Grand ថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតីតម្ចាស់មកុដ Miss Grand ថៃ និងជាលំដាប់រងលេខ១ Miss Grand International 2022 បន្ទាប់ពីមានពេលទំនេរពីការចូលរួមកម្មវិធីនានាក្នុងប្រទេស នាងបានសម្រេចចិត្តជួយ Live វីដេអូលក់ផលិតផលក្រោមស្លាកMiss Grand International (MGI) ខណៈដែលត្រឹមពេល១ម៉ោង Engfa លក់ដាច់គ្មានសល់ ហើយរកចំណូលឲ្យលោក Nawat បានរាប់លានឯណោះ។

ដោយឡែក ងាកទៅកាន់លោក Nawat ក្រោយ Engfa រកចំណូលចូលស្ថាប័នច្រើន លោកក៏បង្ហាញនូវមោទនភាពនិងញញឹមបិទមាត់មិនជិតនោះទេ។ លោកបានទម្លាយពីប្រាក់ចំណូលដែលបវកញ្ញាសំណព្វរបស់លោកតាមរយៈទំព័រហ្វេសប៊ុកផ្ទាល់ខ្លួនថា “មនុស្សជាច្រើនសួរថា ហេតុអ្វីបានជា MGI ខ្លាំងម្ល៉េះ និងអាចឈរជើងក្នុងវិស័យនេះបានយូរ ព្រមទាំងល្បីល្បាញលើពិភពលោក នេះក៏ព្រោះតែគ្រប់គ្នាប្រឹងប្រែងធ្វើការខ្លាំងណាស់”។

ក្នុងនោះថែមទៀត មេធំរបស់ MGI រូបនេះបានបន្ថែមដោយក្នុងន័យលើកទឹកចិត្តថា “យប់មិញ Engfa ធ្វើការរហូតដល់ពាក់កណ្តាលអធ្រាត្រ ការលក់តាម TikTok តែមួយ បានលើស១លានបាត ហើយមានអ្នកផ្សេងទៀតទៀតដែលអាចលក់បានសរុបប្រហែល៣លានបាត។ បើនិយាយពីរឿងអនឡាញ អ្នកត្រូវតែជឿជាក់លើ MGI “។

យ៉ាងណាក៏ដោយ ការលក់ផលិតផលផ្ទាល់ មិនថាធ្វើជារាជនីសម្រស់ រឺបេក្ខនារីទេ គឺត្រូវបានគេចាត់ទុកជាលក្ខណៈមួយក្នុងចំណោមលក្ខណៈទាំង៤ Miss Grand 4B ដែលស្ថាប័នត្រូវការដែលរួមមាន សម្រស់, រាងកាយ, ខួរក្បាល និងអាជីវកម្ម ត្រូវតែទន្ទឹមគ្នាដាច់ខាត។ ដូច្នេះមិនមែនជារឿងចម្លែកសម្រាប់បវកញ្ញា MGI ម្នាក់ៗ ដែលពោរពេញដោយសមត្ថភាពខ្លាំងៗ ព្រមទាំងទេពកោសល្យមកទាំងព្រម រហូតធ្វើឲ្យលោកណាវ៉ាត់ និងគណៈកម្មការជ្រើសជាម្ចាស់មកុដ៕

អត្ថបទ៖ សាង ស្រីល័ក្ខ

ចុចអាន៖តាមពិតតួកាច Benz កាត់សក់លេងស្ទីលថ្មីដោយសារចង់រម្លឹក២៤ឆ្នាំមុន ដែលនាងដើរតួដណ្ដើមស្វាមីគេ