កីឡា
សារ៉េត គ្រីយ៉ា មានឈ្មោះប្រជែងពានកីឡាករល្អប្រចាំខែកុម្ភៈជាមួយ៧រូបទៀត
បេក្ខភាពដណ្តើមពានរង្វាន់កីឡាករល្អប្រចាំខែកុម្ភៈនៃលីគបាល់ទាត់កម្ពុជារដូវកាល២០២៣-២៤ចេញហើយដោយមាន៨រូបមកពីក្លិប៨ផ្សេងគ្នា។
កីឡាករ គង់ ច័ន្ទវុទ្ធី របស់ក្លិប អាយអេសអាយ ដង្កោសែនជ័យ បានក្លាយជាអ្នកចាំទីតែម្នាក់គត់ដែលមានឈ្មោះប្រជែងពានរង្វាន់កីឡាករល្អប្រចាំខែកុម្ភៈ ឆ្នាំ២០២៤ខណៈខ្សែការពារមាន២រូបគឺ សារ៉េត គ្រីយ៉ាង របស់ព្រះខ័នរាជស្វាយរៀង និង Bugas Pocholo Arellano ខ្សែការពារសញ្ជាតិហ្វីលីពីនរបស់ អង្គរថាយហ្គឺរ។
ខ្សែប្រយុទ្ធមាន៤រូបគឺកីឡាករ Neville Mbanwei Tengeg ខ្សែប្រយុទ្ធសញ្ជាតិកាមេរ៉ូនរបស់គិរីវង់សុខសែនជ័យ, កីឡាករ De Oliveira Bastos Jonata ខ្សែប្រយុទ្ធសញ្ជាតិប្រេស៊ីលរបស់ វិសាខា, កីឡាករ Golubovic Stefan ខ្សែប្រយុទ្ធសញ្ជាតិស៊ែប៊ីរបស់ បឹងកេត និងកីឡាករ Hugo Kametani ខ្សែប្រយុទ្ធសញ្ជាតិជប៉ុន របស់ណាហ្គាវើលដ៍។ ជាមួយគ្នានេះក៏មានខ្សែបម្រើ១រូបគឺ Yudai Ogawa ខ្សែបម្រើរបស់ភ្នំពេញក្រោន។
ក្នុងចំណោមបេក្ខភាពទាំង៨រូបនេះ សារ៉េត គ្រីយ៉ា អាចជាបេក្ខភាពឈានមុខគេក្នុងការប្រជែងពានរង្វាន់កីឡាករល្អប្រចាំខែកុម្ភៈ ដោយសាររូបមានតួនាទីជាខ្សែការពារជួយក្លិបព្រះខ័នរាជស្វាយរៀងឲ្យទទួលបានជ័យជម្នះ ហើយរូបគេក៏អាចរកគ្រាប់បាល់៣គ្រាប់ក្នុងចំណោម៣ប្រកួតក្នុងខែកុម្ភៈដែលទទួលបានការសរសើរពីលោកគ្រូបង្វឹក។
លទ្ធផលរបស់ព្រះខ័នរាជស្វាយរៀងក្នុងខែកុម្ភៈ
- ថ្ងៃទី៤ ខែកុម្ភៈ ព្រះខ័នរាជស្វាយរៀង ៣-២ ភ្នំពេញក្រោន (សារ៉េត គ្រីយ៉ា រកបាន១គ្រាប់)
- ថ្ងៃទី១៨ ខែកុម្ភៈ ព្រះខ័នរាជស្វាយរៀង ៤-៣ ណាហ្គាវើលដ៍ (សារ៉េត គ្រីយ៉ា រកបាន១គ្រាប់)
- ថ្ងៃទី២៤ ខែកុម្ភៈ អាយអេសអាយ ដង្កោសែនជ័យ ២-៤ ព្រះខ័នរាជស្វាយរៀង (សារ៉េត គ្រីយ៉ា រកបាន១គ្រាប់ និងបានក្លាយជាល្អប្រចាំការប្រកួត)
បេក្ខភាព៧រូប
- កីឡាករ Neville Mbanwei Tengeg ខ្សែប្រយុទ្ធសញ្ជាតិកាមេរ៉ូនរបស់គិរីវង់សុខសែនជ័យ
- កីឡាករ គង់ ច័ន្ទវុទ្ធី អ្នកចាំទីរបស់ អាយអេសអាយ ដង្កោសែនជ័យ
- កីឡាករ Yudai Ogawa ខ្សែបម្រើរបស់ភ្នំពេញក្រោន
- កីឡាករ Bugas Pocholo Arellano ខ្សែការពារសញ្ជាតិហ្វីលីពីនរបស់ អង្គរថាយហ្គឺរ
- កីឡាករ De Oliveira Bastos Jonata ខ្សែប្រយុទ្ធសញ្ជាតិប្រេស៊ីលរបស់ វិសាខា
- កីឡាករ Hugo Kametani ខ្សែប្រយុទ្ធសញ្ជាតិជប៉ុន របស់ណាហ្គាវើលដ៍
- កីឡាករ Golubovic Stefan ខ្សែប្រយុទ្ធសញ្ជាតិស៊ែប៊ីរបស់ បឹងកេត
- កីឡាករ សារ៉េត គ្រីយ៉ា ខ្សែការពាររបស់ ព្រះខ័នរាជស្វាយរៀង
អត្ថបទ៖ វីរបុត្រ
-
ព័ត៌មានជាតិ១ សប្តាហ៍ agoផ្លូវជាតិថ្មីកាត់ពីខេត្តបាត់ដំបងទៅខេត្តសៀមរាប និង ផ្លូវជាតិលេខ ៦០បេ កំពុងជំរុញឈានទៅបើកការដ្ឋានសាងសង់នៅពេលខាងមុខ
-
ព័ត៌មានជាតិ១ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ចរាចរណ៍១ សប្តាហ៍ agoករណីគ្រោះថ្នាក់រថយន្ដដឹកកម្មកររោងចក្រនៅកំពង់ឆ្នាំង និងស្វាយរៀង មានជនរងគ្រោះស្លាប់សរុប ១៣នាក់ និងរបួសធ្ងន់ស្រាលជាង៣០នាក់
-
ព័ត៌មានជាតិ១ សប្តាហ៍ agoអភិបាលខេត្ត និងតំណាងរាស្ត្រ ចុះពិនិត្យដល់ទីតាំងភ្លាមៗក្រោយមានគ្រោះថ្នាក់ចរាចរណ៍នៅស្រុកកំពង់ត្រឡាច
-
ព័ត៌មានអន្ដរជាតិ១ សប្តាហ៍ agoអាមេរិក ជំរុញឱ្យសម្ព័ន្ធមិត្តណាតូ ជួយរួមដៃគ្នាបញ្ចប់សង្គ្រាមអ៊ីរ៉ង់
-
ព័ត៌មានជាតិ១ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
សេដ្ឋកិច្ច៥ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម១៦ ម៉ោង agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង