តួសាន់ឆាយ ទម្លាយការពិតថា អតីត​ស្វាមី​ធ្លាប់​គប់សៀវភៅធ្ងន់ ចំកណ្ដាលមុខនាងក្នុងអំឡុងមានផ្ទៃពោះ

តារាតៃវ៉ាន់ Barbie Hsu ឬអតីតតួសាន់ឆាយ និងស្វាមីអតីតស្វាមីអ្នកជំនួញចិនវ័យ ៤២ ឆ្នាំ Wang Xiaofei បានជាប់ពាក់ព័ន្ធក្នុងជម្លោះផ្លូវច្បាប់ជាច្រើន ចាប់តាំងពីការលែងលះរបស់ពួកគេនៅចុងឆ្នាំ ២០២១។ នាពេលថ្មីៗនេះ Xiaofei បានធ្វើការអះអាងជាច្រើននៅក្នុងតុលាការតៃវ៉ាន់ថា Barbie បានប្រើកាតឥណទានរបស់គាត់លើអំណោយ និងរបស់របរសម្រាប់អាពាហ៍ពិពាហ៍ជាបន្តបន្ទាប់របស់នាងជាមួយ DJ Koo តារារ៉េបកូរ៉េអាយុ ៥៤ ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីយ៉ាងនេះ នាង​បាន​បដិសេធ​ការ​លើក​ឡើង​​ក្នុង​ការ​បង្ហោះ​យ៉ាង​វែង​លើ​បណ្តាញ​សង្គម ដោយ​និយាយ​ថា ​គឺ Xiaofei ដែល​បោក​ប្រាស់​ក្នុង​ការ​រៀប​ការ​របស់​ពួក​គេ។ ក្នុងនោះថែមទៀត សាន់ឆាយក៏​បាន​បង្ហាញ​ពី​របៀប​ដែល​អតីតស្វាមីបាន​ប្រើ​ហិង្សា​លើ​នាងផងដែរ។

ក្នុងអំឡុងពេលមួយដែល Xiaofei ស្រវឹង​ស្រាយ៉ាងខ្លាំង គាត់បានរុញ Barbie ដែលនៅពេលនោះមានផ្ទៃពោះឲ្យដួលយ៉ាងច្រងាប់ច្រងិន។ នាង​បាន​សរសេរ​ថា “បន្ទាប់​មក អ្នក​បាន​យក​សៀវភៅ​គម្រប​រឹង​របស់ Harry Potter ហើយ​គប់​មក​ខ្ញុំពេញទំហឹង”។

បន្ទាប់ពីការលាតត្រដាងរបស់សាន់ឆាយជាសាធារណៈ សៀវភៅគម្របរឹងរបស់ Harry Potter បានក្លាយជាប្រធានបទពេញនិយមនៅលើ Weibo ។ អ្នកលេងអ៊ីនធឺណិតមួយចំនួនបានរិះគន់ Xiaofei ចំពោះការវាយប្រពន្ធដែលមានផ្ទៃពោះ មនុស្សជាច្រើនមានខ្លះជឿចំណែកមួយចំនួនទៀតមិនជឿសម្ដីរបស់នាងឡើយ។

យោងតាមអ្នកលេងអ៊ីនធឺណិតមួយចំនួន បានប្រមូឡនូវព័ត្តុងតាងដ៏សំខាន់ពីឈុតដែលប្រមូលបាន​ មានសៀវភៅចំនួន ៧ក្បាល ត្រូវបានដាក់ក្នុងប្រអប់ដូចដើម និងមានទម្ងន់ ៧.៧ គីឡូក្រាម ទោះបីជាអ្នកផ្សេងទៀតអះអាងថាវាមានទម្ងន់ ៩.៩ គីឡូក្រាមក៏ដោយ។

លើសពីនេះមានមតិជាច្រើនទៀតបានបញ្ចេញដែរថា Xiaofei បាន​គប់​សៀវភៅ​មួយ​ក្បាល​ក៏ដោយ វា​អាច​បណ្តាល​ឲ្យមាន​របួស​យ៉ាង​ខ្លាំង​ប្រសិន​បើ Barbie ត្រូវ​បាន​ប៉ះមួយទំហឹង។ ជាពិសេស សូម្បីតែសៀវភៅមួយក្បាលនឹងលើសពី ១.៤ គីឡូក្រាម​​ ក៏អាចសម្លាប់នរណាម្នាក់បានដែរ នេះមិនលើកនិយាយអំពីគម្របរឹងរបស់សៀវភៅទេ សូម្បីតែកំណែក្រដាសក៏អាចបណ្តាលឲ្យមានរបួសបានដែរ៕

អត្ថបទ៖ សាង ស្រីល័ក្ខ

ចុចអាន៖តួ សាន់ឆាយ បើកទូលាយឲ្យកូនៗ ​ហៅដៃគូ​ថ្មី​របស់​អតីត​ស្វាមីថា​ ម្ដាយពេញៗមាត់